प्रदेश समाचार

बाजुरा सदरमुकाम जोड्ने साँफे-मार्तडी राजमार्ग अवरुद्ध

बाजुरा- लगातार तीन दिनदेखिको वर्षाका कारण बाजुरा सदरमुकाम जोड्ने साँफे-मार्तडी राजमार्ग बिहीबार बिहानदेखि अवरुद्ध भएको छ। वर्षाका कारण राजमार्गको ठाउँठाउँमा पहिरा गएपछि सडक अवरुद्ध बनेको हो। 

अम्कोटको पहिरोले थप समस्या भएको छ। तलबाट सडक भासिएको छ भने माथिबाट ढुङ्गा खस्न थालेपछि सडक अवरुद्ध बनेको जिल्ला प्रहरी कार्यालयका प्रहरी नायब उपरीक्षक सूर्य थापाले जानकारी दिए। राजमार्गको बार्जुगाड, अम्कोट, तपाडा, पानी नाउला, ओलेनालगायत ठाउँमा वर्षाका कारण पहिरो आउने क्रम जारी छ। 

पहिरो पन्छ्याउनका लागि नेपाल प्रहरीको टोली खटाएको प्रहरी नायब उपरीक्षक थापाले बताए। हरेक वर्ष वर्षाका कारण सडक अवरुद्ध हुँदा स्थानीयलाई आवतजावत गर्न समस्या भएको छ।

वैकल्पिक सडक नहुँदा सर्वसाधारणले सास्ती भोग्दै आएका छन्। सडक अवरुद्ध भएपछि दैनिक उपभोग्य सामग्रीको मूल्य वृद्धि हुँदै गएको छ।   -रासस

प्रतिक्रिया दिनुहोस !

सम्बन्धित खबरहरु

सरकारले एन जि ओ ले गरेका कामको अनुसरण गर्नुपर्छ : उपप्रमुख रावल
बयालपाटा अस्पतालमा एक बर्षमा ५४ हजार बढीको उपचार, ७ हजार बढी हार्डजोर्नीका बिरामीको सफल सल्यक्रिया
स्वास्थ्य सेवाको विज्ञापन खोल्न प्रदेश लोक सेवा सुदूरपश्चिमलाई आग्रह
पेट दुखाइको उपचार गर्न आएकी करिश्माले बच्चा जन्माएपछि….