बझाङ : नेपाल बङ्ग‌लादेश बैंक चैनपुर शाखाले जिल्लाका बिभिन्न ६ बिद्यालयमा सरसफाई तथा खानेपानी सम्बन्धीमा सामाग्री बितरण गरेको छ ।

सामाजिक कार्य प्रति उत्तरदायी हुदैँ बैंकले यसअघिका बर्ष झै यसबर्ष पनि सामुदायिक तथा सरकारी बिद्यालयहरुलाई खानेपानी सम्बन्धी सामाग्री बितरण गरेको नेपाल बङ्ग‌लादेश बैंक चैनपुर बझांग शाखा प्रबन्धक प्रकाश खड्काले बताए । बैंकले जिल्लाको जयपृथ्बी नगरपालिका भित्रका विभिन्न ६ वटा बिद्यालय रक्याम्पसहरुमा सो सामाग्री वितरण गरेको उनले बताए ।

शाखा प्रबन्धक खड्काका अनुसार जयपृथ्बी बहुमुखी क्याम्पस, पान्डु माध्यामिक विद्यालय, बाल बिकास माध्यामिक विद्यालय, भवानी माध्यामिक विद्यालय, नमुना आधारभुत विद्यालय र भवानी आधारभुत विद्यालयलाई तातो चिसो पानी खानमिल्ने वाटर डिष्पेन्सर र प्लाष्टिक पानीका जार लगायतका सामाग्री बितरण गरिएको हो ।

नेपाल बङ्ग‌लादेश बैंक चैनपुर शाखा प्रबन्धक प्रकाश खड्काले उक्त सामाग्री बिद्यालयका प्रधानाध्यापक र क्याम्पस प्रमुखलाइ हस्तान्तरण गरे । सामाग्री हस्तान्तरण कार्यक्रममा बोल्दै शाखा प्रबन्धक खड्काले बैंकले यश अघि पनि सामाजिक कार्यमा सहयोग गर्दै आएको र आगामी दिनहरुमा पनि सहयोग कार्य जारी राख्ने प्रतिबद्धता व्यक्त गरे ।

बिद्यालयका प्रधानाध्यापक तथा क्याम्पस प्रमुखले बिद्यालयलाई सामाग्री हस्तान्तरण गरेकोमा बिद्यालयको तर्फबाट हार्दिक आभार व्यक्त गरे । साथै उनिहरुले चाँडै नबिल बैक संग एकिकृत कारोबार सुरु गर्न गइरहेको नेपाल बङ्गलादेश बैंकलाई आगामी एकिकृत कारोबारको सफलताको शुभकामना समेत दिए ।

नबिल बैक र नेपाल बङ्गलादेश बैक लि. बिच यहि असार २७ गते सोमबारबाट एकिकृत कारोबार नबिल बैकको नामबाट गर्दैछन् ।