प्रदेश समाचार

सामाजिक सञ्जालको दुरुपयोग गरी भाम्रक सामाग्री सार्वजनिक गर्ने कार्य खेदजनक छ : पत्रकार महासंघ अछाम

अछाम । नेपाल पत्रकार महासंघ जिल्ला शाखा अछामले केही दिन यता जिल्लाका संचारकर्मी र पत्रकारहरुलाई लक्षित गरी सामाजिक सञ्जाल फेसबुक र युटुबमा आएका नकरात्मक टिकाटिप्पणी र आरोपप्रति गम्भीर ध्यानाकर्षण भएको जनाएको छ ।

मंगलबार एक प्रेस विज्ञप्ती जारी गर्दै महासंघ अछामले जिल्लाका पत्रकारहरुलाई बदनियत गर्ने उद्देश्य राखी सामाजिक सञ्जालको दुरुपयोग गरेर तथानाम गाली गर्ने, आरोप र लालछना लगाउने कार्य खेदजनक भएको ठहर गरेको छ ।

सामाजिक सञ्जालको दुरुपयोग गरी मानहानी हुने खालका तथ्यहिन, भाम्रक र झुट्टा आरोपको महासंघ खण्डन गर्दै घोर र्भत्सना गर्दछ शाखाका अध्यक्ष खम्म खत्री र सचिव पूर्ण बहादुर खड्का द्धारा हस्ताक्षरित विज्ञप्तीमा भनिएको छ ।

विधिको शासन, न्याय, सुशासनका पक्षमा पत्रकार उभिने कुरामा नेपाल पत्रकार महासंघ अछाम दृढ छ विज्ञप्तीमा भनिएको छ, संकाको दृष्टीले गैरजिम्मेवार अभिव्यक्ती नदिन सम्बन्धित सबै पक्षलाई महासंघ अछाम आग्रह गर्दछ ।

पत्रकारको खोल ओडेर युटुब र फेसबुकको दुरुपयोग गरी भाम्रक सामाग्री सार्वजनिक नर्गन समेत महासंघ अछामले अपिल गरेको छ । जुनसुकै बेला पनि पीडितका पक्षमा कलम चलाउन र आवाज बुलन्द गर्दै न्याय दिलाउने पक्षमा नागरिक संगठनको दायित्व निर्वाह गर्दै अछामी संचारजगत सधैँ एकढिक्का रहेर काम गरिरहेको महासंघ अछामले प्रष्ट पारेको छ ।

साथै अगामी दिनमा यस्ता खालका गतिबिधी नरोकिए महासंघ अछाम यसको कानुनी उपचार खोज्न बाध्य हुने विज्ञप्तीमा भनिएकाो छ । यस्तै कुनै पनि घटनाको समाचार सम्प्रेषण गर्दा पत्रकार आचारसंहिताको पूर्ण पालना गर्न समेत महासंघले सबै संचारकर्मीहरुलाई विज्ञप्ती मार्फत सचेत गराएको छ ।

प्रतिक्रिया दिनुहोस !

सम्बन्धित खबरहरु

चौरपाटिमा १९ औं राष्ट्रिय धान दिवस तथा रोपाइ महोत्सव मनाइयो 
निशुल्क स्वास्थ्य सेवा दिईरहेको बयालपाटा अस्पताल संचालनका लागि आगामी आर्थिक बर्षमा ७ करोड अपुग हुने
उत्कृष्ठ नम्बर ल्याउनेलाई एक महिनाको सेवा सुविधा प्रदान गर्ने अध्यक्ष वीसीको घोषणा
यौनिकता शिक्षा कार्यक्रम सम्बन्धी समिक्षा तथा योजना तर्जुमा साँफेबगरमा सम्पन्न