राजनिति

केन्द्रिय सदस्य एबम अछाम इञ्चार्जकै वडामा एमाले पराजित, माओवादी केन्द्रका थापा विजयी 

अछाम : नेकपा एमालेका केन्द्रीय सदस्य एवम् अछाम जिल्ला इञ्चार्ज झपट बोहराको वडामा एमाले पराजित भएको छ । बोहराको वडा बान्नीगढी जयगढ गाउँपालिका ६, दर्नामा गठबन्धनका तर्फबाट माओवादी केन्द्रका जगत बहादुर थापा वडाध्यक्षमा विजयी भएका छन् ।

थापासहित गठबन्धनको प्यानल विजयी भएको छ । उनले ६९९ मत प्राप्त गरेका छन् । निकटतम प्रतिद्वन्द्वी एमालेका उम्मेदवार चंखबहादुर रावतले ५२२ मत प्राप्त गरेका हुन् ।

सुदूरपश्चिम प्रदेश सरकारमा तत्कालीन माओवादीका तर्फबाट आर्थिक मामिला मन्त्री रहेका बोहरा माओवादीबाट एमाले प्रवेश गरेर अछाम जिल्ला इञ्चार्ज बनेका हुन् ।

जिल्ला अधिवेशनमा आफ्ना स्वकीय सचिव आदर्श साउदलाई पार्टी जिल्ला सचिवको उम्मेदवार बनाएका बोहराको त्यतिबेला चर्को आलोचना भएको थियो । बोहराको स्वकीय सचिव रहेका आदर्श साउदको वडा रहेको रामारोशन गाउँपालिकाको तालीमा ३०५ मतसहित नेकपा एमाले दोस्रो भएको छ ।

अघिल्लो निर्वाचनमा उक्त वडाबाट नेकपा एमालेले ३०० मत प्राप्त गरेको थियो । बोहराका स्वकीय सचिव साउदले ५ मत थपेको देखिन आएको छ । बान्नीगढी जयगढ गाउँपालिकामा नेपाली काँग्रेस, नेकपा एकीकृत समाजवादी र माओवादी केन्द्रबीच चुनावी तालमेल भएको हो ।

प्रतिक्रिया दिनुहोस !

सम्बन्धित खबरहरु

शेरबहादुर कुँवरले कहिल्यै पनि पदको लागि मरिहत्ते गर्नुभएन: अध्यक्ष नेपाल
भौतिक संरचनाको निर्माण र शैक्षिक क्षेत्रमा गुणस्तर ल्याउन प्रतिबद्द छु : अध्यक्ष साउद
कांग्रेस महामन्त्रीद्वयले देउवालाई भने– एसपीपी सधैँका लागि बन्द गरिदिनुहोस्
किटानी जाहेरी गरिएका व्यक्तीहरुलाई पक्राउ गर्नुपर्ने बिनोदका आफन्तको माग