राजनिति

२०७४ को चुनाबमा लागेको ७२ भोटको घाउ निको पार्ने दाउमा रजनी

काठमाडौं – पाँच वर्ष अघि टोखा नगरपालिकामा रजनी थापाको उम्मेदवारीले एक प्रकारको तरंग उत्पन्न गरायो । विवेकशिल पार्टीले काठमाडौं महानगरपालिकाको मेयरमा रञ्जु दर्शनालाई उम्मेदवार बनाएको थियो । धेरैले रजनी र रञ्जुलाई तुलना गरे ।

रजनी कांग्रेसबाट टोखा नगरपालिकाको उपमेयरकी उम्मेदवार थिइन । कांग्रेसले पनि काठमाडौंमा रजनी जस्तो युवालाई उम्मेदवार बनाउनु सामान्य कुरा थिएन । आफु भन्दा धेरै सिनियरलाई पन्छाउँदै रजनीले उपमेयरको टिकट हात पारेकी थिइन ।
अन्तिम मत गणना हुँदा रजनीलाई जित्न मात्र ७२ मत पुगेन । उनका धेरै समर्थक स्तब्ध बने । तर रजनीमा कुनै विचलन आएन । आफु उपविजेता भएको भन्दै रजनीले सबै मतदातालाई धन्यबाद दिइन ।

उनै रजनी यस पल्ट टोखा नगरपालिकामा मेयरकी उम्मेदवार बनेकी छिन् । कांग्रेसले रजनीलाई पुनः अवसर दिएको छ । यति बेला रजनी त्यहि ७२ भोटको घाउ निको पार्ने अभियानमा छिन् । अघिल्लो पटक उपमेयरमा लागेको ७२ भोटको घाउ मेयर जितेर निको पार्नेमा उनका समर्थक विश्वस्त छन् ।

रजनी केबल युवा मात्र होइनन् । राजनीतिमा युवा पुस्ताको बलियो उपस्थीति र आमूल परिर्वतनको बहाकको रुपमा उभिएकी छिन् । आफ्ना एजेण्डालाई प्रष्टसंग राख्न सक्ने र त्यसलाई कार्यान्वयन गर्ने सक्ने प्रबल इच्छा शक्ति उनी भित्र देखिन्छ ।
विकासको परम्परागत मोडल भन्दा नविन शैलीबाट फड्को मार्न रजनी जस्तै जुझारु युवाबाट मात्रै सम्भव छ ।

उनी युवा पुस्ताको सवल प्रतिनिधि पात्रको रुपमा राजनीतिको अग्नी परिक्षामा होमिएकी छिन् । राजनीति विग्रियो, नेताहरुले केहि गरेनन् र जो आए पनि उस्तै हो भन्ने गुनासोलाई खण्डित गर्न रजनी जस्ता राजनीतिक पात्रले परिक्षण हुने मौका पाउनु आवश्यक छ ।

युवाहरुको नेतृत्व र क्षमता विकास गर्ने संस्था नेपाल जेसिजको राष्टिय उपाध्यक्ष तथा लाईन क्लब काठमाण्डौ देउराली धापासीको अध्यक्ष समेत भएर रजनीले काम गरेकी छन् । युवाहरुका माझमा लामो समय देखि काम गरेका कारण यसपटक उनले आफ्नो जितलाई सहज ठानेकी छन् ।

प्रतिक्रिया दिनुहोस !

सम्बन्धित खबरहरु

अछामको कमलबजार, ढकारी र बान्नीगढीमा कांग्रेस विजयी  
अछाममा ३० वडाको नतिजा सार्वजनिक
महासमिती सदस्य बिष्ट र उपसभापती बजगाँईकै वडामा पनि कांग्रेस पराजित
अछामको सदरमुकाम रहेको मंगलसैन नगरमा एमालेको अग्रता