खेलकुद

मंगलसेन नगरपालिकाले “मेयरकप पुरुष भलिबल प्रतियोगिता” गर्दै 

अछाम : जिल्लाको सदरमुकाम रहेको मंगलसेन नगरपालिकाले पालिका स्तरीय मेयर कप पुुरुष भलिबल प्रतियोगिता संचालन गर्ने भएको छ । नगरपालिकाकाको आयोजनामा मंगलसेनको बुहत खेल मैदानमा चैत्र १९ गतेबाट संचालन हुने नगरपालिकाले जनाएको छ ।

टिम दर्ताका लागी यही चैत १९ गते बिहान १० बजे सम्मको समय राखिएको छ भने खेल संचालन सोहि दिन बिहान ११ बजेदेखी हुने बताईएको छ ।

प्रतियोगितामा प्रथम टिमले १ लाख ११ हजार १ सय ११ नगद सहित कप, मेडल र प्रमाण पत्र, द्वितीयले ५५ हजार ५ सय ५५ नगद सहित कप, मेडल र प्रमाण पत्र, तृतीयले ३३ हजार ३ सय ३३ नगद सहित कप, मेडल र प्रमाण पत्र र सान्त्वना टिमले ११ हजार १ सय ११ नगद पुरुस्कार प्राप्त गर्नेछ । सो पुरुस्कार सबै राशिमा २५ प्रतिशत करकट्टि गरिने समेत बताईएको छ ।

दर्ता शुल्क ५ हजार तोकिएको प्रतियोगितामा खेलाडीले सम्बन्धित पालिकाको स्थायी बासिन्दा भएको परिचय खुल्ने नागरिकता वा जन्मदर्ता प्रमाण पत्र पेश गर्नुपर्ने र खेलाडीले प्रतियोगिता अवधि भर खान बस्नको व्यवस्था आफै गर्नुपर्ने मंगलसेन नगरपालिकाका निमित प्रमुख प्रशासकिय अधिकृत खकेन्द्र सोडारीद्धारा जारी सुचनामा उल्लेख गरीएको छ ।

प्रतिक्रिया दिनुहोस !

सम्बन्धित खबरहरु

जिल्ला खेलकुद अछामको अध्यक्षमा केशर खड्का मनोनित
साँफेबगरमा उपमेयर कप महिला भलिवल प्रतियोगिता हुदै
सर्वाधिक छिटो ५० विकेट लिने सन्दीप विश्वकै दोस्रो बलर
विश्व कप क्रिकेट लिग ‘टु’ का लागि नेपाली क्रिकेट टोलीको घोषणा