‘५ सय ७६ जनाको शल्यक्रिया मार्फत उपचार गरियो‘

अछाम : जिल्लामा संचालन भएको निशुल्क आँखा शिबिर मंगलबार सम्पन्न भएको छ । नेपाल नेत्र ज्योति संघ गेटा आँखा अस्पताल र स्वास्थ्य कार्यालय अछामको संयुक्त आयोजनामा पौष १८ गते देखि शुरू भएको शिविर आज २६ गते सम्पन्न भएको हो ।

जिल्लाका बिभिन्न ३ ठाँउमा संचालन भएको शिबिरबाट २२ सय जनाले सेवा लिएका छन् । बयालपाटा अस्पताल, जिल्ला अस्पताल र कमलबजार प्राथमिक स्वास्थ्य केन्द्र गरी २२ जनाले सेवा लिएका स्वास्थ्य कार्यालय अछामका प्रमुख बरिष्ठ जनस्वास्थ्य अधिकृत झनकराज ढुंगानाले बताए । उनका अनुसार शिबिरमा ५ सय ७६ जनाको मोतिविन्दु लगायतको शल्यक्रिया गरिएको छ ।

निशुल्क आँखा शिबिर स.चालनमा सहयोग गरेको भन्दै प्रमुख ढुंगानाले गेटा आँखा अस्पताल टिम तथा सहयोग गर्ने सबैलाई धन्यवाद ज्ञापन गरेका छन् ।

आधारभुत स्वास्थ्य सेवामा सबै नागरिक र खास गरी जेष्ठ नागरिक, महिला तथा बालबालिकाको सहज पहुँच पुर्याउनु पर्नेमा उनको जोड । सोही कार्यका लागि आफुहरु निरन्तर प्रयासमा लागिरहेको उनले बताए ।

आँखा जस्तै अन्य रोगहरुको पनि यस्तै गरेर शिबिर मार्फत भएपनि सेवा दिने योजना रहेकाले सबैको साथ र सहयोगको खाँचो रहेको उनले बताए । जिल्लामा उपलब्ध नहुने उपचारका लागि स्वास्थ्य कार्यालयले शिबिर मार्फत भएपनि सेवा दिने गरेको उनले बताए ।

साथै निशुल्क शिबिर सचालनमा सहयोग गरेको भन्दै गेटा आँखा अस्पतालको टिमलाई दोसल्ला र सम्मान पत्र दिएर सम्मान समेत गरिएको थियो ।

गएको दुई बर्ष देखि संचालन हुन नसकेको आँखा शिविर यसपटक बयालपाटा, कमलबजार र मंगलसेनमा संचालन गर्न सफल भएको स्वास्थ्य कार्यालय अछामले जनाएको छ ।

८० बर्ष उमेर पुगेका आँखामा समस्या भएका बलाता बासीलाई कमलबजार आई सेवा लिन, ऋषिदहका बासिन्दालाई बयालपाटा आई सेवा लिन र रामारोशनका बासिन्दालाई मंगलसेन आई सेवा लिन सहज छैन स्वास्थ्य कार्यालय अछामका प्रमुख ढुंगानाले भने अहिलेको शिबिरबाट धेरैलाई केहि हद सम्म राहत भएको छ ।

जिल्लाका सबै स्थानीय तहको केन्द्र सम्म कम्तिमा बर्षमा एक वा दुई पटक आखा शिबिर गर्नुपर्ने वा आँखामा समस्या भएका र मोतिबिन्दुको अप्रेसन गर्नुपर्ने बिरामीको छनौट र जिल्लाको एक वा दुई स्थानमा शल्यक्रिया क्याम्प नियमित गर्न सके धेरै सहज हुने र कम लागतमा धेरैलाई सेवा नि सकिने उनको बुझाई छ ।

यसका लागि स्वास्थ्य कार्यालयले नियमित प्रयास गर्नेछ प्रमुख ढुंगानाले भने सबै स्थानिय तह र गैर सरकारी संस्थाहरूलाई सहकार्यको लागि आग्रह गर्दछौं ।