अछाम : नेकपा माओवादी केन्द्रले सुदुरपश्चिम प्रदेश कमिटी बिस्तार गरेको छ । आईतबार पार्टीले ५ जनालाई प्रदेशको सहईन्चार्ज तोकेको छ ।

जसमा नेप बहादुर चौधरी, रेणु चन्द, बिरभान चौधरी, त्रिलोचन भट्ट र बिना मगरलाई पार्टीले सुदूरपश्चिम प्रदेशको सहईन्चार्ज तोकेको हो ।

यस्तै पार्टीले प्रदेशको अध्यक्षमा यस अघि केन्द्रिय सदस्य रहेका शरद सिंह भण्डारीलाई जिम्मेवारी दिएको हो । अछाम घर भएका भण्डारीलाई प्रदेश अध्यक्षको जिम्मेवारी दिईएको बताईएको छ । प्रदेश सचिवमा देविलाल चौधरीलाई जिम्मेवारी प्रदान गरिएको छ ।

यसअघि प्रदेशको ईन्र्चाजको जिम्मेवारी नेता खगराज भट्ट बिनोदलाई दिईएको थियो । यस्तै माओवादी केन्द्रले अछाम जिल्लाको ईन्चार्जका रुपमा झपट साँउदलाई जिम्मेवारी प्रदान गरेको छ ।