प्रदेश समाचार

भारतको जागिर छोडेर गाउँमै बाख्रापालनमा जमे लोकेन्द्र रावल

अछाम : जिल्लाको सदरमुकाम रहेको मंगलसेन नगरपालिका वडा नम्बर ९ वलिगाउका लोकेन्द्र रावल उमेरले २१ बर्षको पुगे । २१ बर्षका तन्नेरी युवा लोकेन्द्र आज भोलीका दिनमा बाख्रापालनमा कस्सेर लागेका छन ।

विश्वभर महामारीको रुपमा फैलिएको कोरोनाभाईरसको संक्रमणका तथा जोखिमका कारण भारतबाट आफ्नो गाउँमा फर्किएपछी लोकेन्द्र बाख्रापालनमा लागेका हुन । बुवा आमा, दाजु भाउजु, भाईबहिनी सहीत ८ जनाको परिवार भएका लोकेन्द्रको अहीलेको रोजाई बाख्रापालन भएको छ ।

असोज महीनामा नै बाख्रा पालन सुरु गरेका लोकेन्द्रले खोर ब्याबस्थापन र बाख्रापालन लागी बाख्रा खरिदमा सुरुमा नै करिब साढे ६ लाख खर्च गरेका थिए । आफुुसँग पैसा नभएपनी जग्गा धितो राखेर बैँक मार्फत ऋण गारेर १ लाख ३० हजारको खोर ब्याबस्थापन पहीलो र दोस्रो चरणमा ४ लाख ३० हजार ६४ बाख्रा कीनेर ब्याबस्था थालिसकेपछी हाल २२ वटा बाख्रा बेचेर १ लाख ७० हजार रुपैया जम्मा गरेको उनले बताए ।

आफ्नो १० रोपनी र आफन्तजनको ७० रोपनी भाडामा गरि करिब ८० रोपनी जग्गामा बाख्रापालन मात्र नभई कृषि तरकारी फलफुलमा सुन्तला, कागती, ओखर रोप्ने काम भएको रावलले बताए । बाख्रापालनमा आफु लागि रहदा बुवा आमाको समेत निकै सहयोग गरेको उनको भनाई रहेको छ ।

आफ्नो जग्गा धेरै मात्रामा लेकतिर नभएपनी बुवा आमाले लामो समयदेखि भाडा तिरेर गरिरहेको कृषि पेशागरिरहेका थिए अहीले त्यसैलाई सदुपयोग गरेर आफुले ब्याबसाय थालेको उनको भनाई रहेको छ । २०७७/०७८ को बजेट ल्याउदा कोरोनाबाट प्रभावित युवालाई स्वरोजगार बनाउने बजेट ल्याउछु निती तथा कार्यक्रम बनाउछु सरकारका प्रमुखले भनेका थिए तर आफुलाई त्यसले कत्ति पनी छोएको छैन उनले भने ।

आदिकारीक रुपमा धुम्रलोचनी बाख्रापालन फर्म दर्ता नै गरिसके अनुदानका लागी नगरपालिका, कृषि शाखा पशुशाखा कति धाए कहीकतैबाट सहयोग प्राप्त भएको छैन, मैले सहयोग नपाए पनी दुखी त छैन तर सरकारले हेरेको छैन यो बर्ष के गर्छन खै उनले सुनाए ? भारतबाट यसरी प्रभावित भएर आफु घर आईसकेपछी अब भारत नजाने निधो गरेको लोकेन्द्रले बाख्रापालनलाई दिगो बनाउदै लैजाने उनको विश्वास छ ।

कृषि प्रदान देशमा सरकारको लगानी आवश्यक रहेको भन्दै वास्तवीक किसानको बारीमा पुगेर मात्र आगामी दिनमा अनुदानका कार्यक्रम तय गर्न उनको सुझाब रहेको छ।

प्रतिक्रिया दिनुहोस !

सम्बन्धित खबरहरु

कर्णाली नदीमा नुहाउने क्रममा दुई बालबालिका बेपत्ता
पालिका स्तरिय परिचयात्मक गोष्ठि कमलबजार नगरपालिकामा सम्पन्न
सुदूरपश्चिम घर भएका डीआइजी प्रविण श्रेष्ठलाई सेवामै राख्न सर्वोच्चको आदेश
सुदूरपश्चिममा आत्महत्याको डरलाग्दो अवस्था, ५ वर्षमा २६४५ जनाले देह त्यागे