प्रदेश समाचार

कार्यालय वरिपरी प्लास्टरको काम गर्ने करदाता सेवा कार्यालय साँफेबगर प्रमुख रोकाया

पवन खत्रि, अछाम / असार मसान्त अर्थात अन्तिम दिन २०७८ असार ३१ गतेको दिन थियो । दिउसोको करिब पौने २ बजेको समयमा मेरो काम आन्तरिक राजस्व कार्यालय करदाता सेवा कार्यालय साँफेबगरमा पर्न गयो ।

सेती लोक मार्ग अन्तरर्गत नेपालका चारधाम मध्येको एक बैद्यनाथ धाम जाने बाटोको दाँया साईट पट्टी साँफेबगर नगरपालिका क्षेत्रमा कार्यालय पर्दछ । कार्यालयको कामको शिलशिलामा त्यहाँ पुग्दा ३ जना पुरुष निकै ब्यस्त असारे बिकासको चटारो जसरी कार्यालयको भौतिक कार्यमा निकै ब्यस्त देखिएका थिए ।

३ जनाको टिम कार्यालय वरिपरिको पुरै ब्राण्डा सहीत सेवाग्राहीलाई घाम र पानीबाट बच्नका लागी बनाईएको बिश्राम स्थलको काममा पसिना चुहाएर लागि परेको थिए । बिशेषत मेरो काम करदाता सेवा कार्यालयमा दैनिक जसो हुने भएकाले ति काम गर्ने सबैसँग मेरो चिनजान थियो । आफ्नै कार्यालयका अन्य २ जना र आफु गरि ३ जना लागेर काम गर्ने ब्यक्ति करदाता सेवा कार्यालय साफेबगरका कर अधिकृत धर्म बहादुर रोकाया थिए ।

कार्यालयका कमप्युटर अपरेटर अफिसको कामको शिलशिलामा बाहीर रहेकाले अहीले अफिसमा सेवाग्राही कम आउने भएकाले आफ्नै कार्यालयका कर्मचारीले यसरी पलास्टरको काम गर्दै आएका बताए । करदाता सेवा कार्यालयका कर अधिकृत रोकाया सहीत, कार्यालय सहयोगी, गाडी चालक बालुवा, गीट्टी, सिमेन्ट फिट गर्दै पुरै पलास्टर गर्नमा ब्यस्त रहन्छन ।

उनीहरुले काम गर्दै गर्दा मैले कुुरा सुरु गर्दा अधिकृत रोकायाले भने काम ठुलो सानो हुदैन, अहीलेको समय मेहनत गर्नै हो त्यसैले यसरी हामी आफ्नो कार्यालयको काम आफै गछौँ, मनमनै मैले सोचे साच्चै यसरी हरेक युवाले आफ्नो काम, कर्तव्य सहीत सकारात्म कार्य गर्दै गए सोच्दै गए कति उपलब्धी हासिल गर्न सकिदो हो ।

कर सम्बन्धी सेवा लिन आउने हरेक सेवाग्राहीको मनमा बस्न सफल रोकाया निकै मिजासीलो, कर्तव्यनिष्ट तथा छिटो छरितो सेवा दिन कर अधिकृत हुन । २०७७ साल कात्तिकबाट कार्यालय सुरु गरेको करदाता सेवा कार्यालय साफेबगरमा स्थापना भएको ९ महीना पुगेको छ । सुरुका २ महीनामा अर्को कार्यालय प्रमुख आएपनी ७ महीना देखी धर्म बहादुर रोकायाले कर अधिकृतको जिम्मेवारी सम्हाल्दै आएका छन ।

प्रतिक्रिया दिनुहोस !

सम्बन्धित खबरहरु

कर्णाली नदीमा नुहाउने क्रममा दुई बालबालिका बेपत्ता
पालिका स्तरिय परिचयात्मक गोष्ठि कमलबजार नगरपालिकामा सम्पन्न
सुदूरपश्चिम घर भएका डीआइजी प्रविण श्रेष्ठलाई सेवामै राख्न सर्वोच्चको आदेश
सुदूरपश्चिममा आत्महत्याको डरलाग्दो अवस्था, ५ वर्षमा २६४५ जनाले देह त्यागे