प्रदेश समाचार

महासंघ अछामले पत्रकार कल्याणकारी कोष स्थापना गर्ने

अछाम । नेपाल पत्रकार महासंघ जिल्ला शाखा अछामले पत्रकार कल्याणकारी कोष स्थापना गर्ने भएको छ । जिल्ला शाखा अछामको दोश्रो बैठकले कोष स्थापना गर्ने निर्णय गरेको हो ।

जिल्ला शाखा अध्यक्ष खम्म खत्रीको अध्यक्षतामा बुधबार मंगलसेनमा बसेको बैठकले अप्ठेरोमा परेका महासंघमा आवद्ध जिल्लाका क्रियाशिल पत्रकार तथा संचारकर्मीको सहयोगार्थ पत्रकार कल्याणकारी कोष स्थापना गर्ने निर्णय गरेको हो ।

कल्याण्कारी कोषका लागि छुट्टै खाता संचालन गर्ने र कोष संचालनको कार्यबिधी तयार पारी बिस्तृत रुपमा अगाडी बढाईने शाखा सचिव पूर्णबहादुर खड्काले बताए । आज पहिलो दिन कोषका लागि बैठकबाटै शाखा अध्यक्ष खत्रीले नगद ५ हजार सहयोग गर्ने घोषणा गरेको भन्दै कार्यसमिती अध्यक्षलाई धन्यवाद समेत ज्ञापन गरेको छ ।

बैठकले शाखाको भवन निर्माणका लागि मंगलसेन नगरपालिका वडा नं. ६ ठुलासैन निवासी दुरा भण्डारीले महासंघलाई जग्गा दान गर्ने घोषणा गरेपछि शाखाले जग्गा आफ्नो नाममा नामसारी गर्ने निर्णय पनि गरेको छ । नामसारीको काम कारबाहीको जिम्मेवारी शाखाका सहसचिव नमराज भण्डारीलाई दिईएको छ ।

यस्तै बैठकले महासंघको आफ्नै भवन निर्माण नहुञ्जेल सम्मका लागि जिल्ला समन्वय समितीले उपलब्ध गराएको कोठामा कार्यालय व्यावस्थापन गरी संचालन गर्ने निर्णय गरेको छ । उक्त कार्यका लागि सहसचिव नमराज भण्डारी, कोषाध्यक्ष भवानी प्रसाद भण्डारी, सदस्यहरु पवित्रा खड्का, टिकेन्द्र प्रसाद भण्डारी र शंकर थापालाई जिम्मेवारी प्रदान गरिएको छ ।

महासंघका कार्यक्रमलाई जिल्लामा ससक्त रुपमा अगाडी बढाउन, कार्यालय व्यावस्थापन गर्न र भवन निर्माणको सहयोगार्थ अछामका दशवटै स्थानिय तह र सरकारी कार्यालयहरु संग आर्थिक सहयोग माग गर्ने निर्णय समेत गरेको छ ।

यस्तै बैठकले यसअघि नै संचालनमा रहेको शाखाको आर्थिक कारोबारका लागि नव निर्वाचित कार्य समितीका अध्यक्ष, सचिव र कोषाध्यक्षको हस्ताक्षरित खाता परिर्वतन गर्ने निर्णय पनि गरेको छ ।

प्रतिक्रिया दिनुहोस !

सम्बन्धित खबरहरु

समाजसेवी सुरत भुलले गरे बयालपाटा अस्पताललाई ५१ हजार बढी सहयोग
सुर्खेतमा निषेधाज्ञा १५ दिन थप
कमलबजार नगरपालिकाद्वारा कोरोना संक्रमितहरुलाई पिउने पानी
ईतिहासले दिएको जिम्मेवारी पुरागर्ने अभिभारा हामी सबैको काँधमा आएको छ : नगर प्रमुख कुवँर