बाजुरा : लैङ्गिक हिंसा विरुद्धको १६ दिने अभियान अन्तरगत बाजुरामा विभिन्न नगरपालिका गाउँपालिकामा कार्यक्रमहरु संचालन भैरहेका छन् ।

लैङ्गिक हिंसा विरुद्धको १६ दिने अभियानको पहिलो दिन नोभेम्बर २५ तारिखका दिन बाजुरा जिल्लामा वडिमालिका नगरपालिकाको महिला शाखाको आयोजना र जिल्लामा संचालित गैरसरकारी संस्था सहास नेपाल,महिला विकास मञ्च बाजुरा, युएनएफपिए, पिसविन बाजुरा, लगायतका संस्थाहरुको सहकार्यमा हिंसा विरुद्धको अभियानको दोस्रो दिन बाजुरा सदरमुकाम मार्तडीमा सुचना तथा मनोसामाजिक डेस्क स्थापना गरिएको छ ।

बिहीबार एक औपचारिक कार्यक्रमका बिच प्रतिनिधिसभा सदस्य माननिय लाल बहादुर थापाले लैङ्गिक हिंसा सम्बन्धी सुचना तथा मनोसामाजिक डेस्कको उद्घाटन गरेका हुन् । जिल्लाको सदरमुकाम मार्तडीको लोकतान्त्रिक चोकमा उक्त डेस्क स्थापना गरिएको छ ।

उद्घाटन कार्यक्रमको संचालन सहास नेपालका स्वास्थ्यकर्मी रिता शाहीले गरेकी थिइन् । डेस्कबाट अभियान अवधिभर सदरमुकाममा आउने जोसुकैलाई लैङ्गिक हिंसा समबन्धी सुचना तथा मनोसामाजिक विर्मश प्रदान गरिने भएको युएनएफपिए बाजुरा जिल्ला परियोजना संयोजक कृष्ण चौधरीले बताए ।

डेस्कबाट सहास नेपाल, महिला विकास मञ्च बाजुरा, युएनएफपिए, पिसविन बाजुरा, युएनएफपिए, लगायत संस्थाहरुका प्रतिनिधिले सुचना तथा परामर्श प्रदान गरिरहेका छन ।