अर्थ

सेयर बजारमा दुई नयाँ रेकर्ड, परिसूचक हालसम्मकै उच्च

काठमाडौं – साताको अन्तिम कारोबार दिन बिहीबार सेयर बजार परिसूचक (नेप्से) मा दुई नयाँ रेकर्ड कायम भएको छ। १८.४३ विन्दुले बढेको बजार १८९३.२४ अंकमा पुगेर रोकिएको छ। यो अहिलेसम्मकै उच्च अंक हो। 

यसअघि २०७३ साउनमा परिसूचक १८८१ अंकसम्म पुगेको थियो। बिहीबार कारोबार रकमले पनि रेकर्ड कायम गरेको छ। ७ अर्ब ६१ करोड ३० लाख रुपैयाँको सेयर कारोबार भएको छ। यसअघि ६ अर्ब ९० करोड रुपैयाँसम्म कारोबार भएको थियो। 

आज २९१ कम्पनीको १ करोड ७१ लाख सेयर खरिदबिक्री भएको छ। दिउँसो १२ः१४ मिनेट जाँदा परिसूचक १९२६ अंकसम्म पुगेको थियो। त्यसपछि बजार क्रमश ओरालो लाग्यो। आज बैंकिङ समूह ३७.७६ अंकले बढेको छ।

त्यसैगरी जलविद्युत् ६.८२, उत्पादन ०.०९, अन्य १५.३६ र म्युचुअल फण्ड ०.०७ अंकले बढेको छ। त्यसैगरी व्यापार १३०.६६, होटल ४३.६५, विकास बैंक ८.३५, फाइनान्स ५.८७, निर्जीवन बीमा समूह १६५.०१, माइक्रोफाइनान्स १६.६५ र जीवन बीमा समूह १३४.३२ अंकले घटेको छ। 

बिहीबार सबैभन्दा बढी नेपाल पुनर्बीमा कम्पनीको  ५८ करोड १३ लाख रुपैयाँ बराबरको कारोबार भएको छ। आज एनएमबी माइक्रोफाइनान्स वित्तीय संस्था लिमिटेडका ग्राहकले सबैभन्दा बढी कमाएका छन् भने साल्ट ट्रेडिङ कर्पोरेसनका लगानीकर्ताले बढी गुमाएका छन्। 

प्रतिक्रिया दिनुहोस !

सम्बन्धित खबरहरु

मेची–महाकाली अप्टिकल फाइबर योजना अलपत्र
संयुक्त स्वास्थ्य संघर्ष समिति र स्वास्थ्य मन्त्रालयबीच १९ बुँदे सम्झौता
‘मुख स्वस्थ्य रहे मात्रै पनि अधिकांश रोगबाट बचिन्छ’
१० नेपालीद्वारा के टू हिमालको सफल आरोहण, विश्व रेकर्ड कायम