प्रदेश समाचार

अछाममा कोरोना परिक्षणका लागि स्वाब संकलन हुनै छाड्यो

‘जिल्लाको एकमात्र प्रयोगशाला ४ दिन देखी ठप्प

अछाम । जिल्लामा पछिल्लो समयमा कोरोना भाईरसको परिक्षणको लागि स्वाब संकलन हुन छाडेको छ । तिहारपछि भने एकजनाको समेत स्वाब संकलन नभएको पाईएको छ । देशभर कोभिड १९ को संक्रमण दिनानुदिन बढ्दै गएपनि अछाममा जिल्ला भित्रै पिसिआर परिक्षण प्रयोगशाला हुदाँ समेत स्वाब संकलन भएको छैन ।

जिल्लामा एकमात्र कोरोना परिक्षण गर्न स्थानिय पालिका कमलबजार नगरपालीकाले स्थापना गरेको कोरोना परिक्षण प्रयोगशालामा बिगत ४ दिन देखि स्वाब नहुदा कोरोना परिक्षण रोकिएको प्रयोगशालका सुचना अधिकारी टेक बहादुर बिष्टले बताए ।

अछाम जिल्लाका बिभिन्न १० वटा स्थानीय तहहरुले स्वाब संकलन नगर्दा कमलबजार नगरपालिकाको पहलमा स्थापना भएको जिल्लाको एकमात्र प्रयोगशालामा कोरोना परिक्षण रोकीएको प्रयोगशालाका सुचना अधिकारी बिष्टको भनाई छ ।

हाल जिल्लामा भारत सहित अन्य देशका बिभीन्न ठाउँ बाट जिल्ला भित्रीने र बाहिरलेको संख्यामा कमी नआएको कारण पनि कोरोनाको संक्रमण फैलिएको हुन सक्ने अनुमान छ । जिल्ला भित्र र बाहिर ओहोर दोहोर गर्दा संक्रमण फैलिएको हुने सक्ने आंकलन गरिन्छ ।

कमलबजार नगरपालीकाले स्थापना गरेको कोरोना परिक्षण प्रयोगशालामा हाल क्षमता भन्दा न्युन संख्यामा मात्रै कोरोना परिक्षण हुने गरेको छ । दैनिक ९६ संख्यामा कोरोना परिक्षण गर्ने क्षमता रहेको प्रयोशालामा सुरुवातमा २४ घण्टामा १ सय २८ जनाको कोरोना परिक्षण हुने गरेको थियो ।

प्रयोगशाला स्थापना भएपछि अछाम सहित बाजुरा तथा दैलेख जिल्लाका समेत केही स्थानीय तहबाट स्वाब संकलन भई कमलबजारमा आउने गरेको थियो । सूचना अधिकारी बिष्टका अनुसार हिजो मात्र केहि स्वाब स्याम्पल प्राप्त भएकाले आज रिपोर्ट दिन सकिने बताए।

पछिल्लो समयमा अछाममा दिनमा ५० जनाको स्वाब समेत संकलन हुदैँन । देशका बिभिन्न ठाउँमा कोरोना संक्रमणको जोखिम बढ्दै गइरहेका बेला अछाममा भने कोरोना परीक्षणको लागि स्वाव नै संकलन नहुँदा जिल्लामा कोरोनाको जोखिम बढ्दै गएको छ ।

प्रतिक्रिया दिनुहोस !

सम्बन्धित खबरहरु

सुदूरपश्चिमबाट बैतडीका चन्दलाई राष्ट्रिय युवा प्रतिभा पुरस्कार प्रदान गरिने
सेती लोकमार्गमा पर्ने ९ हजार ६ सय रुख काट्न वन मन्त्रालयको अनुमति
बालविवाह अन्त्य गर्न सके महिला हिं’साको पाटो रोकिन्छ : सांसद बोगटी
कमलबजार प्रयोगशालामा गरिएको परिक्षणमा अछामका २ सहित ७ जनामा कोरोना संक्रमण