“लकडाउन देखि हालसम्म ३० जिल्ला बढीका समस्यामा परेका नागरिकलाई गरे बिभिन्न सहयोग“

अछाम । बाँके जिल्लामा सक्रिय नेपाल प्रेस युनियनका केन्द्रिय सदस्य जयसिंह केसी लकडाउनका कारण समस्यामा परेकालाई सहयोग गरिरहेका छन् । मनकारी केसी डर त्रास तथा अप्ठेरो महसुस नगरी समस्यामा परेकाहरुलाई दिल खोलेर सहयोग गरिरहेका हुन् ।

लकडाउनको सुरुवात देखि नै हाल सम्म केसी निरन्तर कोभिड १९ को कारण समस्यामा परेकाहरूलाई सहयोग गर्दै आइरहेका छन । दुई दशक देखि पत्रकारितामा क्रियासिल केसिले सिमामा अलपत्र नागरिकलाई मात्र खाना खुवाउने काम गरेनन् नेपाल भित्र अलपत्र परेकालाई समेत सहयोग गरिहेका छन् ।

पत्रकार केसीले सुरक्षाकर्मी, स्वास्थ्यकर्मी र सरसफाइकर्मी लाई पनि खाना, नास्ता, खाजा र पानीको व्यावस्था गरे । उनले कोरोना भाइरसको संक्रमण बढे संगै त्यसको प्रत्यक्ष असर बाट प्रभावित पत्रकारका पनि घरघरमा पुगेर खाद्यान्न पुर्याईरहेका छन् ।

प्रवासबाट स्वदेश फर्केका अप्ठेरोमा नागरिकलाई क्वारेन्टाइनमा पुगेर खाना समेत खुवाउने काम पत्रकार केसीले गरे । क्वारेन्टाइनमा खाना नास्ता खुवाउदै डढेल्दुरा देखि चितवन सम्म उनि पुगे ।
कोरोना भाइरस कोभीड १९ को रोकथाम तथा नियन्त्रण अभियानमा क्रियासिल भएर मुलुकका ३० जिल्लाका क्वारेन्टाइमा बिहान नास्ता, साझको खानाका साथै सक्रिय पत्रकारलाई प्रेस ज्यालेक, मास्क र सेनिटाइजर सहितका सुरक्षा सामाग्री समेत वितरण गरेका यी मनकारी ब्यक्ति केसिलाई हरेक ठाँउमा सम्मान गरिरहेका छन् । पत्रकारिता मार्फत समाजसेवामा सक्रिय जयसिंह केसि लाई हाम्रो पनि सम्मान छ ।

नेपालको पछिल्लो अवस्था हेर्दा कोरोना संक्रमण भयावह हुन सक्ने संकेत देखापरेको छ । संघीय सरकार र प्रदेश सरकारको उदासीनका कारण नेपालमा कोरोना रोकथाम तथा नियन्त्रण अभियानले गति लिन सकिरहेको छैन । केन्द्र र प्रदेशको सहयोग नहुदा पनि प्रमुख जिल्ला अधिकारी सहित स्थानीय प्रशासन, सुरक्षा निकाय र स्थानीय तह खासगरी वडा अध्यक्षहरु भने निकै सक्रिय छन । लकडाउन खुकुलो भएसंगै कोरोना नियन्त्रण भन्दा बाहिर जाने संकेत पनि पछिल्ला तथ्यांकले देखाउने गरेको छ ।

यस बिषम परिस्थिती र अप्ठेरोका बाबजुत पनि केसीले परोपकारी भावनाका साथ समाजमा सकरात्मक सन्देश दिने खालको का मगर्दे आईरहेका छन् । उनको समाजसेवी कामको कदर गर्दै नेपालगञ्ज उपमहानगर पालिकाले हालै केसीलाई सम्मान समेत गरेको थियो ।