राजनिति

पार्टीभित्रको विवाद पद प्राप्तिका लागि होइन : प्रचण्ड

काठमाडौं- सत्तारुढ दल नेकपाका अध्यक्ष पुष्पकमल दाहालले पार्टीभित्र सुरु भएको अहिलेको बहस र विवाद पद प्राप्तिका लागि नभई विचार, विधि र पद्धतिका लागि भएको बताएका छन्।

तुलसीलाल अमात्यको २३ औं स्मृृति दिवसका अवसरमा आयोजित श्रद्धाञ्जली कार्यक्रममा बोल्दै उनले पद प्राप्ति गर्नका लागि विवाद चलेको भनेर बाहिर गरिएको प्रचार गलत भएको स्पष्ट पारेका हुन्।

‘अहिले प्रतिक्रियावादीहरुले पद प्राप्त गर्नकै लागि विवाद र बहस भइरहेको भन्ने प्रचार गर्न खोजिरहेका छन्,’ उनले भने, ‘पदका लागि कुनै पनि हालतमा होइन। पार्टीलाई कसरी अगाडि बढाउने, विचार विधि, पद्धति कस्ता हुन आवश्यक छ भनेर आधारित बहस हो।’

उनले पद ठूलो विषय नभएको भन्दै पार्टी एकताको रक्षा कसरी गर्ने, सुदृढ गरेर कसरी अगाडि लैजाने भन्ने नै चिन्ताको विषय भएको बताए। ‘कम्युनिस्ट पार्टीभित्र जति बहस र छलफल हुन्छ, त्यति नै मजबुत भएर जान्छ,’ उनले भने, ‘यसो गर्दा विरोधीलाई लाग्छ कि यो पार्टी अब फुट्छ।’

दाहालले अहिलेको पार्टीभित्र भइरहेको बहसले एकतालाई अझ सुदृढ गरेर लैजाने दावी गरे। पार्टी विभाजित नहोस् भन्ने नेता कार्यकर्ता सबैको चाहना रहेको भन्दै उनले उक्त विषय नेतृत्वको हैसियतले सबैले बुझेको बताए।

प्रतिक्रिया दिनुहोस !

सम्बन्धित खबरहरु

नेकपा महासचिव पौडेल आइसोलेसनमा
‘इनफ इज इनफ’ समूह र सरकारबीच १३ बुँदे सहमति
चितवनमा राम मन्दिर बनाउन प्रधानमन्‍त्रीले दिएको निर्देशनप्रति कांग्रेसले जनायो आपत्ति
रामको जन्म चितवन माडीमै भएको हो : प्रधानमन्त्री