सरिता खड्का, अछाम /

धेरै संक्रमित भएको जिल्लाको सुचिमा अछाम पनि रहेको छ। देशका बिभिन्न १२ जिल्लामा ५ सय बढी संक्रमित छन्। जसमा अछाम सहित सुदूरपश्चिमका बाजुरा डोटी र कैलाली पनि रहेका छन्।

अछाम ६२४ जना कैलाली ९०९ जना, बाजुरा ६१६ जना र डोटीमा ५७८ जना कोरोना संक्रमित भेटिएको महाशाखाको तथ्यांकले देखाएको छ ।

यस्तै सबै भन्दा बढी १५ देखि २५ वर्ष उमेर समुहका व्यक्तिहरुमा कारोना सक्रमण देखिएको छ । स्वास्थ कार्यालय अछामको बिहिवारको तथाक अनुसार जिल्लामा हालसम्म यो उमेर समुहका २१६ जना संक्रमित रहेका छन् ।

त्यसैगरी २५ देखि ३५ उमेरका १९६जना,३५ देखि ४५ उमेरका ७७ जना, ४५ देखि ५५ उमरेका ३३ जना, ५ वर्षका ३२ जना, ५ देखि १० वर्ष उमेरका २० जना, ५५ देखि ६५ वर्ष उमेरका १५ जना , १० देखि १५ वर्षका १४ जना र सबैभन्दा कम ६५ बर्ष माथीका ४ जना सक्रमित रहेका स्वास्थ कार्यालय अछामका सुचना अधिकारी देव जोशीले जानकारी दिए।