प्रदेश समाचार

स्थानिय निर्वाचनमा सवारी साधन आवश्यक हुने सरोकारवालाले पास लिनुपर्ने

अछाम : आगामी वैशाख ३० गते शुक्रबार हुने स्थानीय तह निर्वाचन २०७९ मा सवारी साधन आवश्यक पर्ने सरोकारवालाले पास लिनुपर्ने भएको छ । निर्वाचनमा सवारी साधन आवश्यक पर्ने सरोकारवालाले बैशाख २८ गते भित्र जिल्ला प्रशासन कार्यालय अछामबाट पास लिईसक्नुपर्ने प्रमुख जिल्ला अधिकारी बिश्वराज मरासैनीले बताए ।

उम्मेद्धार वा उम्मेद्धारका प्रतिनिधीको हकमा सम्बन्धीत पालिकाका निर्वाचन अधिकृतले सिफारिष गरे अनुसार प्रमुख जिल्ला अधिकारीले सवारी साधन चलाउने सिफारिष प्रदान गर्नेछन् । पत्रकारको हकमा नेपाल पत्रकार महासंघ जिल्ला शाखा अछामले सिफारिष गरे बमोजिमका व्यक्तीलाई सवारी सधान संचालनको पास प्रदान गरिनेछ ।

संवैधानिक निकायका प्रादेशिक एवंम जिल्ला स्थित कार्यालयहरुको लागि प्रदेश तथा जिल्ला निर्वाचन अधिकारीको सिफारिषमा सवारी पास प्रदान गरिनेछ । निर्वाचन कार्यालय, पर्यवेक्षक मानव अधिकारकर्मीहरुका लागि जिल्ला निर्वाचन अधिकारीको सिफारिषमा प्मुख जिल्ला अधिकारीले सवारी साधनका लागि पास जारी गर्नेछन् ।

शारीरिक अपाङ्गता, अशक्त, ७५ बर्ष भन्दा माथिका बृद्ध व्यक्तिहरूलाई पनि मतदान केन्द्रसम्म पुग्न सवारीको प्रयोग गर्न पाउने गरी मापदण्ड तय गरेको छ। सम्बन्धित पालिकाका निर्वाचन अधिकृतले सवारी पास दिनेछन् । जसमा सम्बन्धीत वडा क्षेत्रभित्र मतदान गर्ने प्रयोनजका लागि सहयोग गर्ने १ जना परिवारको सदस्य समेतलाई पास दिईने प्रमुख जिल्ला अधिकारी मरासैनीले बताए ।

मतदानका दिन दैनिक उपभोगका वस्तु बोक्ने तथा अत्यावश्यक सवारी साधनको लागि अनुमति लिनु नपर्ने निर्वाचन आयोगले जनाएको छ।

प्रतिक्रिया दिनुहोस !

सम्बन्धित खबरहरु

लयाँटीमा फेरि मतदान हुने
अछाममा लडेर घाईते भएका १ जनाको उपचारको क्रममा मृत्यु
अछामका सरकारी कार्यालयमा २७ देखि ३० गते सम्म अत्यावश्यक बाहेकका सेवा बन्द रहने
उपाध्यायको पहलमा अछाममा गर्भवतीको उद्धार