अछाम । विश्व मुख स्वास्थ्य दिवसको अवसरमा साँफेबगर नगरपालिकामा दात तथा मुखको परिक्षण गरिएको छ । वडा नम्बर १ मा रहेको शाहिद सारदा स्मृती प्रतिस्ठानमा रहेका अनाथ बालबालिकाको दाँत तथा मुख परिक्षण गरिएको हो ।

नेपाल डेन्टल साईन्स हाईजिनिष्ट एशोसिएसन सुदुरपश्चिम प्रदेशको आयोजनामा अनाथ आश्रममा दाँत तथा मुख परिक्षण शिवीर आयोजना गरिएको बालबालिकाका दाँत परिक्षण गरिएको हो ।

शिविरमा २० जना बालबालिकाको दाँत परिक्षण गर्दा अधिकांश बालबालिकाको दाँतमा किरा लाग्ने समस्या भेटिएको नेपाल डेन्टल साईन्स हाईजिनिष्ट एशोसिएसन सुदुरपश्चिम प्रदेस अध्यक्ष दीपेन्द्र शाहीले बताए ।

खाना खाएपछि प्रत्येक पटक राम्ररी मुख सफा नगर्ने कारणले बालबालिकाको दाँतमा किरा लाग्ने समस्या बढदै गएको अध्यक्ष शाहीको भनाइ छ । शिवीरमा सहभागि हुन आएका बालबालिकाको दाँत परीक्षण गर्नुका साथै उनिहरुलाई निशुल्क ब्रस, माउथ वास र मन्जन प्रदान गरिएको सामाजिक अभियान्ता पारस थापाले बताए ।

सोही अवसरमा बालबालिकालाई ब्रस गर्ने प्रयोगात्मक बिधि र मुख सफा गर्ने बिषयमा समेत जानकारी गराइएको थियो । शिविरमा अध्यक्ष दीपेन्द्र शाही र सन्तोष पहाडी लगाएतको सहभागिता थियो ।