प्रदेश समाचार

अछाममा सबै भन्दा बढी पञ्चदेवल नगरमा १४ सय नयाँ मतदाता थप

निर्वाचन कार्यालयमा प्रयाप्त जनशक्ति नहुँदा संकलन कार्यमा समस्या

अछाम : फोटो सहितको मतदाता नामावलीमा नाम दर्ता गराउनेहरु देशभरीनै बढेका छन । जो जहाँ छ त्यहिबाटै मतदाता नामावली दर्ता गर्न सकिने व्यवस्था निर्वाचन आयोगले गरेपछि मतदाता नामावलीमा नाम दर्ता गराउनेहरू बढेका हुन् ।

अछाम जिल्ला भरी ८५ हजार ९ सय ९३ महिला, ७६ हजार ९९ पुरुष र २ जना तेस्रो लिङ्गि गरि कुल संख्या १ लाख ५६ हजार ६ सय ९४ जना मतदाता रहेका छन । मंसिर १७ गते यता पुष ८ गते सम्म कार्यालयको तथ्याङ्कमा करिब ३ हजार मतदाताले नाम दर्ता गराएका निर्वाचन कार्यालय अछामका निर्वाचन अधिकृत कृष्ण सिंह नायकले जानकारी दिए ।

अधिकृत नायकका अनुसार विभिन्न निर्वाचन कार्यालय,जिल्ला प्रशासन कार्यालय तथा इलाका प्रशासन कार्यालयमा नामावली संकलन कार्य निरन्तर रहेकाले बाँकी तथ्यांक आउन थोरै समय लाग्ने भएको छ । जिल्लाका १० वटै पालिका मध्य सबै भन्दा बढी पञ्चदेवल विनायक नगरपालिकामा १४ सय जनाले नाम दर्ता गराएका छन ।

पुष ९ गते देखि हाल सम्म मात्रै इलाका प्रशासन कार्यालय विनायकमा १ सय ८४ महिला र २ सय ८४ पुरुष गरि ४ सय २७ जनाले नाम दर्ता गराएको इलाका प्रशासन विनायकका कर्मचारी सिर्जना शाहीले बताईन ।

पौष ८ गते सम्मको तथ्यांक अनुसार कमलबजार नगरपालिकामा २ सय ४९,चौरपाटी गाउँपालिकामा २ सय ४१, ढकारी गाउँपालिकाका १ सय, बान्नीगढि जयगढ गाउँपालिकामा २ सय ५३, रामारोशन गाउँपालिकाका ३ सय ४, पञ्चदेवल विनायक नगरपालिकामा ९ सय ८७ जना,साँफेबगर नगरपालिकामा ४ सय १२ जना,तुर्माखाँद गाउँपालिकामा १ सय १६ र मेल्लेख गाउँपालिकामा २ सय २८ जनाले नाम दर्ता गाएको निर्वाचन अधिकृत नायकले सुदूरआजलाई जानकारी दिए ।

जिल्लाका सबै स्थानीय पालिकामा मंसिर १७ गते देखी पुष ८ गते सम्म विशेष कार्यक्रम अन्र्तगत फोटो सहितको मतदाता नामावली संकलन भएको थियो । नयाँ तथा छुट भएका व्यक्तिलाई पायक पर्ने निर्वाचन कार्यालय, जिल्ला प्रशासन कार्यालय र इलाका प्रशासन कार्यालय बाट बाँकी रहेकाहरुको नामावली संकलन कार्य भैरहेका अधिकृत नायकले जानकारी दिए ।

निर्वाचन आयोगले पनी प्रयाप्त तथा अनुभवी टोली नपठाउँदा कमर्कचारी आफै तथा सेवाग्राहीलाई समेत सास्ती भैरहेको छ । १६ वर्ष उमेर पूरा गरी नेपाली नागरिकता प्राप्त गरेका व्यक्तिको मतदाता नामावली सङ्कलन कार्य देशका सबै निर्वाचन कार्यालय, सबै जिल्ला प्रशासन कार्यालय र तोकिएका इलाका प्रशासन कार्यालयबाट भइरहेको छ ।

प्रतिक्रिया दिनुहोस !

सम्बन्धित खबरहरु

इलाका प्रहरी कार्यालय विनायकले ‘तपाईको मास्क खोई’ अभियानलाई निरन्तरता दिने
सुदूर र कर्णालीकोे सिमाना बेलखेतमा हेल्थ डेस्क स्थापना, चौखुट्टेमा पनि स्वास्थ्यकर्मी खटाईयो
अछामका प्रजिअ सहित ५ जनामा कोरोना : आकस्मिक बाहेकका सबै सेवा बन्द
माघी पर्वको अवसरमा भोली सुदूरपश्चिमभर बिदा