प्रदेश समाचार

अछामबाट गर्भवती महिलाको हेलिकप्टर मार्फत उद्धार

अछाम : जिल्लाकी एक गर्भवती महिलाको हेलिकप्टर मार्फत उद्धार गरिएको छ ।

जिल्लाको पञ्चदेवल विनायक नगरपालिका वडा नम्बर १ निवासी मनसरा देवकोटाको हेलिकप्टर मार्फत उद्धार गरिएको हो ।

मन्सराको दुई पटक शल्यक्रियाबाट प्रसूति गराइएको र तेस्रो पटकको प्रसूतिमा गम्भीर समस्या उत्पन्न भएपछि विनायकबाट रेफर गरिएको थियो।

तत्काल उद्दार गर्नु पर्ने भएकाले उनलाई हेलिकोप्टर मार्फत कोहलपुर शिक्षण अस्पतालसम्म प्रसूति सेवाका लागि लगिएको हो ।

राष्ट्रपति महिला उत्थान कार्यक्रम अन्तर्गत नेपाली सेनाको हेलिकप्टरबाट उनको उद्धार गरिएको जिल्ला प्रशासन कार्यालय अछामले जनाएको छ ।

उद्धारमा प्रमुख जिल्ला अधिकारी रुद्रबहादुर मल्ल, नगर प्रमुख देवराज देवकोटा, अछाम अस्पताल, नेपाली सेना लगायतका निकायले सहयोग गरेका थिए ।

प्रतिक्रिया दिनुहोस !

सम्बन्धित खबरहरु

अछाममा मनाईने १० दिवसीय केदारनाथ मेला आज सम्पन्न
१० दिनसम्म चल्ने अछामको एकमात्र केदारनाथ मेलाको नवौँ दिन आज रात्री मेला सहित धामी खला नाच्ने
सरोकारलालाई जानकारीमुलक कार्यक्रम कमलबजार नगरपालिकामा सम्पन्न
उच्चशिक्षा नीति तथा प्रादेशिक विश्वविद्यालयका बारेमा अछाममा अन्तरक्रिया