प्रदेश समाचार

चौरपाटी गाउँपालिकामा १२९ जनालाई अपाङ्गता परिचयपत्र वितरण

अछाम । जिल्लाको चौरपाटी गाउँपालिकाले अपाङ्गता परिचयपत्र वितरण र उद्योग तथा ब्यापार व्यवसाय दर्ता शिविर सम्पन्न गरेको छ । दर्ता शिविरबाट १२९ जनालाई अपाङ्गता परिचयपत्र तथा ६९ जनाले व्यवसाय फर्म दर्ता गरेका छन ।

गाउँपालिकाको आयोजनामा भाद्र १४ गते देखि २९ गते सम्म घुम्ति शिविरको आयोजना गरिएको थियो । शिविरमा ३२ रातो, ६६ निलो, २३ पहेलो र ८ जनालाई सेतो कार्ड वितरण गरिएको गाउँपालिकाले जनाएको छ ।

चौरमाण्डौ प्राथमिक केन्द्रका डाक्टर सरोज केसी सहितको टोलीले अपाङ्गता परिचयपत्र निमावलीको मापदण्ड अनुसार परिचयपत्र वितरण गरिएको गाउँपालिकाका स्वास्थ्य शाखा प्रमुख कमल साउदले जानकारी दिए । यस अघि अपाङ्गता परिचयपत्र महिला तथा वालवालिका कार्यालय अछामले वितरण गर्दै आएकोमा संघियता पछी स्थानिय तहलाई जिम्मा दिएको थियो ।

यस्तै शिविरमा सात वटै वडामा २८ जनाले कृषि तथा पशुपंक्षी फर्म, २७ जनाले खुद्रा तथा किराना पसल र ८ जनाले उद्योग व्यसाय दर्ता गरिएको छ । यस्तै शिविरमा ४ जना व्यवसायीले होटेल तथा २ जनाले मासु पसल दर्ता गरिएको गाउँपालिका आर्थिक विकास उद्योग तथा योजना शाखा प्रमुख नर बहादुर खडकाले जानकारी दिए ।

व्यवसायलाई करको दायरा, स्थानिय ब्यापार प्रवद्र्धन तथा गाउँपालिका अन्र्तगत व्यवसायको तथ्याङ्क अध्यावधी गर्ने उद्देश्यले शिविरको आयोजना गरिएको अधिकृत खडकाले जानकारी दिए ।

उद्योग तथा ब्यापार व्यवसाय दर्ता कार्य निरन्तर रुपमा गाउँपालिकामा दर्ता गरिने गाउँपालिकाले जनाएको छ । उद्योग तथा ब्यापार व्यवसाय सञ्चालन गर्दा अनिवार्य गाउँपालिकामा व्यवसाय दर्ता गरी सञ्चालन गर्न गाउँपालिकाले आग्रह गरेको छ ।

प्रतिक्रिया दिनुहोस !

सम्बन्धित खबरहरु

थुकसम्म निल्न नमिल्ने जितिया व्रत
दातृ निकायकाे कार्यक्रम कार्यान्वयन गर्नेमा यस बर्ष वाक नेपाल उत्कृष्ट
विद्यालय नियमित सँन्चालन राख्नका लागि सबैले सोच्नु पर्छ
सर्बसम्बत नेतृत्व चयन गर्दै कांग्रेस कमलबजारको नगर अधिवेशन सम्पन्न