अछाम : नेपाल पत्रकार महासंघ सुदूरपश्चिम प्रदेश सदस्य तथा रेडियो जनप्रिय एफएमका कार्यकारी निर्देशक तपेन्द्र कुँवरले जन्मदिनको अवसरमा हुने खर्च सामाजिक कार्यमा सहयोग गरेका छन् ।

जन्मदिनको अवसरमा हुने फजुल खर्चलाई कटौति गरेर उनले सामाजिक क्षेत्रमा क्रियाशिल संस्था हेल्प अछामलाई सहयोग गर्नुभएको हो । प्रदेश सदस्य कुँवरले हेल्प अछामलाई ५ हजार ५ सय ५५ रुपैया सहयोग गरे ।

जन्मदिन उत्सव हो मनाउनु पर्दछ, तर जन्मदिन मनाउने नाममा फजुल खर्च गर्नु हुँदैन भनेर हेल्प अछामलाई सहयोग गरेको प्रदेश सदस्य कुँवरको भनाई रहेको छ ।

जन्मदिनमा हुने फजूल खर्च परोपकारी र सामाजिक कार्यमा गरिने सहयोगले समाजमा पनि सकरात्मक सन्देश दिएकोे हेल्प अछामका अध्यक्ष हिमाल कुँवरको भनाई रहेको छ ।

उनले जन्मदिनलाई सधैं अविश्मरणिय बनाउनका लागि परोपकारी कार्यलाई बढवा दिन जरुरी रहेको बताए । कार्यकारी निर्देशकबाट प्राप्त सहयोग आर्थिक अवस्था कमजोर तथा सामाजिक क्षेत्रमा खर्च गरिने अध्यक्ष कुँवरले बताए ।

अघिल्लो वर्षमा पनि कार्यकारी निर्देशक कुँवरले हेल्प अछामलाई ५ हजार सहयोग गरेका थिए । सामाजिक क्षेत्रमा सक्रिय हेल्प अछामलाई जन्म दिनको अवसरमा सहयोग गर्ने बढ्दै गएका छ्न ।