काठमाडौं– नेकपा (एमाले) माधवकुमार नेपाल समूहकी नेतृ रामकुमारी झाँक्रीले ठोस प्रस्ताव र लिखित सहमतिबिना अलमलमा नपर्न आफ्नो गुटका नेतालाई सुझाव दिएकी छन्।

पार्टी अध्यक्ष केपी शर्मा ओली र वरिष्ठ नेता माधवकुमार नेपालबीच वार्ता जारी रहेका बेला झाँक्रीको यस्तो प्रतिक्रिया आएको हो। 

आफूले संसद् विघटन गरेको सही थियो र छ भन्ने प्रमाणित गर्न प्रभुको इशारामा सबै भइरहेको उनले उल्लेख गरेकी छन्। ट्विट गर्दै झाँक्रीले जनता, लोकतन्त्र र संविधानको रक्षाका लागि आफूहरुसँग एकमात्र विकल्प विद्रोह भएको भन्दै आत्मसमर्पणले कम्युनिष्ट आन्दोलनको विसर्जन गर्ने भएकाले सचेत बन्न आग्रह गरेकी छन्