राजनिति

कांग्रेसको निष्कर्ष : नेकपा फुटेको छैन, हतारमा निर्णय नगरौँ

काठमाडौं- नेपाली कांग्रेसको पदाधिकारी बैठकले सरकार ढल्ने वा बन्ने विषयमा परिस्थिति परिपक्व नबनेको निष्कर्ष निकालेको छ।

बिहीबार सभापति शेरबहादुर देउवा निवास बुढानिलकण्ठमा बसेको बैठकले नेकपा कानूनीरुपमा नफुटिसकेकाले अहिले नै हातरिएर निर्णयमा पुग्न आवश्यक नरहेको निष्कर्ष निकालेको हो।

सह-महामन्त्री प्रकाशशरण महतले नेकपाको विवाद कसरी अघि बढ्छ, त्यसको मूल्यांकन गरेर मात्रै कांग्रेस निर्णयमा पुग्ने छलफलको निष्कर्ष रहेको बताए। 

‘नेकपा विवाद कसरी अघि बढ्छ, त्यहीअनुसार कांग्रेसले निर्णय लिन्छ। अहिले परिस्थिति परिपक्व भइसकेको छैन भन्ने छलफलको निष्कर्ष छ,’ उनले भने। 

नेकपा एकै पार्टी रहेको र संसदीय दलको नेता केपी ओली नै रहेको अवस्थामा कुनै समूहलाई समर्थन गर्न हतारिन नहुने कांग्रेसको निष्कर्ष छ। ‘नेकपा एकै छ। ओली नै संसदीय दलको नेता छन्।

नेकपा एकै रहन्छ वा दुईवटा हुन्छ। त्यो हाम्रो नियन्त्रणको कुरा होइन,’ बैठकपछि महतले उनले भने, ‘संसद् बैठक सुरु होस्, जसरी परिस्थिति अघि बढ्छ। त्यही बेला हामी निर्णय गर्छौँ।’

महतका अनुसार सभापति देउवासहितका सबै पदाधिकारी हतारमा अपरिपक्व निर्णय लिन नहुनेमा एक छन्। परिस्थितिको मूल्यांक गरेर मात्रै निर्णय लिनुपर्ने बैठकको निष्कर्ष छ।

प्रतिक्रिया दिनुहोस !

सम्बन्धित खबरहरु

५२ औं स्थापना दिवसको अवसरमा नेविसंघ अछामद्वारा विद्यार्थीलाई शैक्षिक सामाग्री वितरण
ओली आज इन्डियाको तुमशरणम् भइसके : देउवा
माधव नेपाल, भीम रावललगायत २० नेतालाई एमालेमा अन्तिम मौका
एमाले महाधिवेशन आयोजक कमिटी बैठक बस्दै