बिबिध

एउटा कुकुर ! जसलाई मालिकले ५० लाख डलर छाडेर गए

बीबीसी । अमेरिकामा ‘लुलु’ नामको एक कुकुरलाई यसका मालिकले ५० लाख डलर छाडिदिएका छन् । यसरी अचानक ‘लखपति’ बनेको आठ वर्षीय लुलुको यतिबेला अधिक चर्चा भइरहेको छ ।

८७ वर्षीय व्यवसायी बिल डोरिसको गत वर्ष मृत्यु भएको थियो । जो अविवाहित थिए । उनले आफ्नो मृत्युपछिको ‘इच्छापत्र’मा सबै सम्पत्ति लुलुको रेखदेखका लागि भनेर एउटा ट्रस्टमा जम्मा गर्न भनेका थिए । सो ट्रस्टले लुलुको ख्याल राख्न आवश्यक रकम मासिक रूपमा प्रदान गर्नेछ ।

कामका लागि बाहिर गइरहनुपर्ने हुँदा डोरिसले आफ्नी साथी मार्था बर्टनलाई लुलुको हेरचाह गर्न छाडिदिने गरेका थिए । र, उनको मृत्युअघि पनि लुलुलाई मार्थाले नै राखिरहेकी थिइन् । उनी पनि यस खबरले आश्चर्यमा परेकी छन् । मार्थाले यसबारे आफ्नो वास्तविक धारणा व्यक्त गर्नै कठिन भइरहेको बताइन् । उनले भनेकी छन्, “डोरिसले आफ्नो कुकुरलाई अत्यन्तै माया गर्दथे । र, लुलु पनि एकदमै ज्ञानी कुकुर हो ।”

तर पनि कुकुरमा पूरै ५० लाख डलर खर्च गर्न सक्ने/नसक्ने विषयमा प्रश्न गर्दा भने उनले ठट्टा गर्दै आफूले सक्दो प्रयास गर्ने बताइन् । लुलुका नाममा गरिने सबै खर्च संरक्षकबाट स्वीकृत हुनुपर्ने हुन्छ । त्यस्तै, लुलुको पनि मृत्यु भएमा चाहिँ सम्पत्तिको के हुन्छ भन्ने स्पष्ट छैन ।

यसअघि, सन् २०१५ मा क्वीन्सस्थित एक महिलाले पनि आफ्नो सबै गरगहना, घर र सम्पत्ति मृत्युपछि आफ्ना कुकुरका नाममा छाडिदिएकी थिइन् ।

प्रतिक्रिया दिनुहोस !

सम्बन्धित खबरहरु

स्वास्थकर्मीको अभावमा बन्द हुदै सुरक्षित गर्भपतन सेवा
विश्वभर कोरोनाबाट ज्यान गुमाउनेको सङ्ख्या २५ लाख नाघ्यो
कांग्रेसप्रति जनताको आर्कषण बढ्यो : सभापति देउवा
सुदुरपश्चिमका अस्पतालमा आर्थिक अभाव छैन : मन्त्री सुवेदी