अछाम : देशैभर covid-19 विरुद्धको पहिलो चरणको खोप अभियान सकिएको छ । सोहि अन्तर्गत अछाम जिल्लामा पनि कोभिड १९ विरुद्धको अभियान सकिएको हो ।

पहिलो चरण अन्तर्गत आज अन्तिम दिन बयालपाटा अस्पतालमा १ सय ४० जनालाई खोप लगाइएको स्वास्थ्य कर्यालय अछामका प्रमुख वरिष्ठ जनस्वास्थ्य अधिकृत झनकराज ढुंगानाले बताए छ ।

उनका अनुसार बयालपाटा अस्पतालमा कार्यरत स्वास्थ्यकर्मी कर्मचारी, चौरपाटी गाउँपालिका, मेल्लेख गाउँपालिका, बान्नीगढी जयगढ गाउँपालिका र साफेबगर नगरपालिकाका छुटेका स्वास्थ्यकर्मी र महिला स्वास्थ्य स्वयंसेविकालाई covid-19 विरुद्धको खोप लगाइएको हो ।

आज अन्तिम दिन गरेर अछाम जिल्लामा सबै १ हजार ४ सय ९५ जनालाई covid-19 विरुद्धको खोप लगाइएको उनले बताए ।

जुन लक्षित समूह अन्तर्गतको 79.9 प्रतिशत हो । सुदूरपश्चिम प्रदेश परी १४ हजार ८ सय ५५ जनाले खोप लगाएका छन् । फाइल फोटो