नोभेम्बर महिनाका लागि पाटन लेडी जेसिज देशभरीमा उत्कृष्ट शाखा

काठमाण्डौँ । पाटन लेडी जेसिज नेपाल जेसिजबाट पुरुस्कृत भएको छ । नेपाल जेसिजको शाखा पाटन लेडी जेसिज बर्ष २०२० को कार्यसमीती नोभेम्बर महिनाका लागि उत्कृष्ट कार्य गर्न सफल भएको भन्दै पुरस्कृत भएको हो ।

नोभेम्बर महिनामा देशभरीका अन्य शाखा भन्दा राम्रो काम गरेको भन्दै पाटन लेडी जेसिजलाई पुरस्कृत गरिएको नेपाल जेसिजले जनाएको छ ।

पाटन लेडी जेसिजले यो महिना विभिन्न कार्य गर्न सफल भएको छ । शाखाको आथित्यतामा यस महिना दिगो विकास लक्ष्य सम्बन्धी राष्टिय कार्यशाला सम्पन्न भएको थियो ।

यस्तै शाखाले अन्य रचनात्मक खाध्यान्न वितरण लगायतका कार्य गर्न समेत सफल भएको शाखाकी अध्यक्ष सुष्मा श्रेष्ठले बताईन् । यूवाहरुको क्षमता अभिबृद्धी संगै समाजमा सकरात्मक काम गर्न शाखा क्रियाशिल रहेको र त्यसको नेतृत्व आफुले गर्न पाउँदा खुशी मिलेको उनले सुदूरआजलाई बताईन् ।