प्रदेश समाचार

सुदूरपश्चिमबाट बैतडीका चन्दलाई राष्ट्रिय युवा प्रतिभा पुरस्कार प्रदान गरिने

बैतडी : सरकारले हरेक वर्ष प्रदान गर्दै आएको राष्ट्रिय युवा प्रतिभा पुरस्कारका लागि सुदूरपश्चिमबाट धिरेन्द्र बहादुर चन्द छनोट भएका छन् । युवा तथा खेलकुद मन्त्रालयले प्रदान गर्ने सो पुुरस्कारको लागि बैतडी जिल्लाको पाटन नगरपालिका–९ का चन्दलाई छनोट गरिएको हो ।

जीव शास्त्री समेत रहेका चन्द सुदुरपशिचममा रहेर वन वातावरण र वन्यजन्तुको अनुसन्धान र संरक्षणमा क्रियाशिल छन् । सरकारले चन्दसहित ११ युवा र २ संस्थालाई यो वर्षको राष्ट्रिय युवा प्रतिभा पुरस्कार दिने भएको छ ।

वाग्मती प्रदेशबाट देविका बुढाथोकी, महेशप्रकाश हाडा, सरिता श्रेष्ठ भट्टराई, प्रकृति मैनाली र मञ्जु खाँड दिइने भएको हो । कर्णाली प्रदेशका टक्कबहादुर नेपाली, प्रदेश २ की अश्विनीकान्त झा, गण्डकी प्रदेशकी सुनिता क्षेत्री, कर्णाली प्रदेशका रचना सुनार र सजना सुनारलाई प्रदान गरिने भएको छ ।

संस्थागत तर्फ प्रदेश १ को राउत एण्ड सन्स बहुद्देश्यीय कृषि तथा पशुपालन प्रालि र वाग्मती प्रदेशको लुनिभा बाल सरोकार समूह रहेको छ ।

विभिन्न क्षेत्रमा गरेको योगदानको सम्मान स्वरुप उनीहरूलाई जनही १/१ लाख नगद राशिसहित पुरस्कृत गरिने मन्त्रालयले जनाएको छ । पुरस्कार एक समारोहबीच राष्ट्रपति विद्यादेवी भण्डारीबाट वितरण हुने जनाइएको छ ।

प्रतिक्रिया दिनुहोस !

सम्बन्धित खबरहरु

अछाममा ७ वटा मतदानस्थल थपिने, हालसम्म मतदान गर्न योग्य संख्या १ लाख ५० हजार बढी
राष्ट्रिय परिचयपत्रको विवरण संकलन अभियान रामारोशनमा सुरु
एक दम्पतिद्वारा छोरीको जन्म दिनमा मानवसेवा आश्रमलाई सहयोग
चालु आर्थिक वर्षको अर्धवार्षिक समिक्षा कार्यक्रम सम्पन्न