राजनिति

जं’गलमा विप्लव समूहको गो’प्य सै’न्य तालिम, स्थानीय तह निसानामा

काठमाडौं । सरकारद्वारा प्र’तिब’न्धित नेपाल कम्युनिस्ट पार्टी नेत्रविक्रम चन्द ‘विप्लव’ समूह सै’न्य तालिममा संलग्‍न रहेको खुलेको छ । कोरोना महामारीको मौका छोपेर सो समूहले पूर्व र पश्चिम नेपालका विभिन्‍न जिल्लाका जंगलमा गोप्य सैनिक तालिम सञ्चालन भइरहेको खुलेको हो । सुरक्षा निकायलाई प्राप्त जानकारीअनुसार विप्लव समूहको जनमुक्ति सेनाको गण्डक ब्युरोअन्तर्गतको सैन्य तालिम सम्पन्‍न भएको छ ।

एक उच्च सुरक्षा अधिकारीका अनुसार तनहुँको पहाडी क्षेत्र, सोलुखुम्बु, कालीकोट, जुम्ला, जाजरकोटमा सैन्य तालिम सम्पन्‍न भइसकेको छ भने डोल्पा, रुकुम पूर्व, रुकुम पश्चिम, सल्यान र रोल्पामा सैन्य तालिम सञ्चालन गर्ने तयारी छ । सत्तारुढ दलको विवाद उत्कर्षमा पुगेको र सरकारको लोकप्रियता खस्किँदै गएको निष्कर्ष निकाल्दै विप्लव समूहले सरकारले दमनको नीति लिएकाले प्रतिरक्षाका लागि तालिम आवश्यक समूहको दाबी छ । विप्लव समूहको सैन्य दस्तामा अधिकांश पूर्वजनमुक्ति सेनाका लडाकु रहेको बताइएको छ । सैन्य तालिम र प्रशिक्षणमा सो पार्टीका जनसरकार प्रमुख सन्तोष बुढा, उदय चलाउनेलगायत सहभागी हुने गरेको पाइएको छ । ७ दिनदेखि २० दिनसम्मको तालिम दिइएको पाइएको छ ।

तालिममा राजनीतिक, सांगठनिक र हतियारबारे समेत प्रशिक्षण दिइएको छ । सो समूहलाई प्रतिबन्ध लगाएपछि सशस्त्र प्रहरी र नेपाल प्रहरीले संयुक्त रुपमा ‘सर्च एन्ड अरेस्ट’ अपरेसन चलाउँदै आएको छ । आन्तरिक सुरक्षामा विप्लव समूह नै मुख्य चुनौती रहेको सुरक्षा निकायको विश्लेषण छ । यसअघि सो समूहसँग वार्ता हुने चर्चा चले पनि एजेन्डामा कुरा नमिल्दा पछिल्लो समय वार्ताको कुरा सेलाएको छ । नेत्रविक्रम चन्द ‘विप्लव’को नेतृत्वमा रहेको नेकपाले स्थानीय तहका जनप्रतिनिधिलाई निसाना बनाउँदै आएको छ । विभिन्‍न स्थानमा चन्दा आतंकसमेत मच्चाएको पाइएको छ भने कतिपय जनप्रतिनिधिलाई समेत अपरहण गरेको विभिन्‍न घटनाक्रमले पुष्टि भएको छ ।

एक उच्च सुरक्षा अधिकारीले भने, “सो समूहका गतिविधि हिंसाउन्मुख देखिएका छन् । ठाउँ-ठाउँमा नेता कार्यकर्ता हतियारसहित पक्राउ परेका छन् । विकट स्थानमा रहेका प्रहरी चौकी, स्थानीय तहलाई उनीहरुले निसाना बनाउने सम्भावना बढेको छ ।” प्रहरीले सो समूहका सयौं नेता-कार्यकर्तालाई पक्राउ गरे पनि विप्लवको सूचना भने पाउन सकेको छैन । पछिल्लो तीन वर्षयता विप्लव भूमिगत छन् । उनको खोजीका लागि प्रहरीको विशेष टोली परिचालित छ ।

प्रतिक्रिया दिनुहोस !

सम्बन्धित खबरहरु

एमसीसी छिटाे पारित गर्न प्रधानमन्त्रीलाई महासंघकी अध्यक्ष राणाको आग्रह
महिला माथिका हिं’सा रोक्न सम्बद्ध पक्ष जुटौं – राष्ट्रपति
हामी पाँच वर्ष विपक्षमै रहन्छौं – कांग्रेस प्रवक्ता
दुई अध्यक्षले मात्रै होइन, हामीले पनि बोल्न पाउनुपर्छ : डा. भीम रावल