बिदेश

कोरोनाबाट एकैदिनमा १० हजार ८ सयको मृ’त्यु, कुन देशमा कतिको ज्यान ग’यो ?

काठमाडौं- विश्वब्यापी महामारीको रुपमा फैलिएको कोरोना भाइरसबाट पछिल्लो २४ घण्टामा १० हजार ८ सय ८४ जनाको मृत्यु भएको छ । एकै दिनमा यतिधेरै संख्यामा कोरोना संक्रमणबाट मृत्यु भएको यो पहिलो पटक हो । 

यसअघि नोभेम्बर १७ अर्थात मंगलबार १० हजार ५ सय ३६ जनाको मृत्यु भएको थियो । कोरोनाबाट हुने मृत्यु हरेक दिनजसो उकालो लाग्दै गएको छ । 

एक महिना अघि अर्थात अक्टोबर १८ मा कोरोनाबाट ज्यान गुमाउनेको संख्या ४ हजार १ सय ९ थियो । पछिल्लो एक महिनामा मृत्युदर ह्वात्तै बढेको छ ।

वर्डओ मिटरका अनुसार पछिल्लो २४ घण्टामा कोरोनाबाट सबैभन्दा धेरै अमेरिकामा मृत्यु भएको छ । जहाँ १ हजार ९ सय ५६ जनाले एकै दिनमा ज्यान गुमाएका छन् । 

यस्तै पछिल्लो २४ घण्टामा ब्राजिलमा ७ सय ५४, इटालीमा ७ सय ५३, पोल्यान्डमा ६ सय ३, भारतमा ५ सय ८७, बेलायतमा ५ सय २९, इरानमा ४ सय ८०, रुसमा ४ सय ५७, फ्रान्समा ४ सय २४ जनाको कोरोनाबाट मृत्यु भएको छ । 

अमेरिका र युरोपका देशकहरुमा पछिल्लो एक महिनायता संक्रमण र मृत्युदर ह्वात्तै बढेको छ । 

जोन हपकिन्स विश्वविद्यालयका अनुसार अहिलेसम्म विश्वरभर कोरोनाबाट १३ लाख ४७ हजार ७ सय ७८ जनाको. मृत्यु भएको छ । ५ करोड ६१ लाख ६६ हजारभन्दा धेरै संक्रमित भएका छन् । 

सबैभन्दा धेरै संक्रमित र मृत्यु अमेरिकामा भएको छ । जहाँ १ करोड १५ लाख १७ हजार भन्दा बढी संक्रमित भएका छन् भने २ लाख ५० हजार ४ सय २६ जनाको मृत्यु भएको छ । 

प्रतिक्रिया दिनुहोस !

सम्बन्धित खबरहरु

उद्योगीहरुको महासंग्राम आजबाट, संक्रमितले पनि मतदान गर्न पाउने
भारतका बरिष्ठ नेता पटेलको कोरोनाका कारण निधन
रहेनन् फुटबल लिजेन्ड म्यारोडोना
२४ घण्टामा २८ कोरोना संक्रमितको मृ’त्यु, मृ’तकको संख्या १,३८९ पुग्यो