बाजुरा – जिल्लाका चार स्थानीय तहका स्वास्थ्य शाखा र जिल्ला अस्पताल बाजुरालाई मंगलबार स्वास्थ्य सुरक्षा सामग्री सहयोग गरिएको हो । नोबेल कोरोना भाइरसको संक्रमणबाट बच्नका लागि उपचारमा खटिन स्वास्थ्यकर्मीका लागि विभिन्न स्वास्थ्य सामग्री हस्तान्तरण गरिएको पीसविन बाजुराका प्रबन्धक जुद्ध रावलले बताए ।

जिल्ला अस्पताल सहित चार स्थानीय तहका स्वास्थ्य शाखालाई उपचारमा खटिएका स्वासथ्यकर्मीले प्रयोग गर्ने सुरक्षा सामग्री हस्तान्तरण गरेको बताईएको छ । स्वास्थ्य सामग्री Uk aid / Uniliver को आर्थिक सहयोग एक्सन एड नेपालको साझेदारीमा पीसविन नेपाल बाजुरा र एच आर सि बाजुराद्वारा जिल्लाका ९ वटै स्थानीय तह अन्तर्गतका स्वास्थ्य शाखा र जिल्ला अस्पताल बाजुराका सम्पुर्ण स्वास्थ्यकर्मीहरूलाई पुग्ने गरि पिपिइ सेट सहयोग गरिएको एचआरसी बाजुराका प्रबन्धक अग्नीराज शाहीले बताएका छन् ।

मंगलबार दिन एक औपचारिक कार्यक्रमका विच एच आर सी बाजुराका अध्यक्ष नीर बहादुर शाहिले जिल्लाका बडीमालिका नगरपालिका, त्रिवेणी नगरपालिका, बुढीगंगा नगरपालिका र गौमुल गाउँपालिकाका स्वास्थ्यकर्मीहरूलाई पुग्ने गरि २०० सेट हस्तान्तरण गरिएको छ ।

पाँच स्थानीय तहलाई यस भन्दा अगाडि नै स्वास्थ्य सामग्री वितरण गरि सकेको एचआरसी बाजुराका प्रबन्धक अग्नीराज शाहीले जानकारी दिए ।