अछाम – उर्जाशिल, शसक्त तथा क्रियाशिल पत्रकार ध्रुव बीसीको जीवन रक्षाका लागी जिल्लाको ढकारी गाँउपालिकामा कार्यरत कर्मचारीहरुले आर्थिक सहयोग जुटाएका छन् ।

गाँउपालिकामा कार्यरत कर्मचारीहरु मिलेर पत्रकार बीसीको उपचारको लागि डेढ लाख बढी सहयोग रकम जुटाएका हुन् ।

दुबै मृगौला फेर भएर काठमाण्डौँमा उपचारार्थ रहेका पत्रकार बीसीको उपचारमा सहयोग मिलोस भनेर एक लाख ५२ हजार १ सय ५६ रुपयाँ संकलन गरेर बीसीको खातामा जम्मा गरिएको गाँउपालिकाका कर्मचारी कृष्ण प्रसाद देवकोटाले बताए ।

दुबै मृगौला फेर भएर काठमाण्डौँमा उपचारार्थ रहेका बीसी हाल डायलाइसिसको जीवन जिईरहेका छन् ।

पत्रकारीता क्षेत्रमा क्रियाशिल रहेका बीसीले गाँउ समाजका विभिन्न समस्यामा कलम चलाउदैँ परिर्वतन र विकासका पक्षमा वकालत गर्दै आएको भन्दै उनको जीवन रक्षाका लागि सहयोग गरिएको कर्मचारी देवकोटाले बताए ।

साथै उनले पत्रकार बीसीको उपचारमा आवश्यक सहयोग गर्न सबैलाई अपिल समेत गरेका छन् ।

पत्रकार बिसी बिगत ५ महिना देखि काठमाण्डौँमा उपचारार्थ रहेका छन् । उनको हाल सम्म ६ लाख बढी पैसा खर्च भईसकेको छ ।