होम बहादुर साउद, अछाम । मंगलसेन नगरपालिकाले ब्यक्तिगत घट्ना दर्ता कार्य अनलाईन प्रणाली मार्फत सुरु गरेसंगै वडानम्वर ५ मा औपचारीक कार्यक्रम सम्पन्न भएको छ । अनालाईन दर्ता भएको जन्मदर्ता प्रमाणपत्र औपचारीक रुपमा हस्तान्तरण गर्दै नगर उपप्रमुख सरिता उपाध्यायले जनतालाई छिटो छरितो र प्रभावकारीसेवाका लागि अनलाईन प्रणालीबाट घट्ना दर्ता कार्य प्रभावकारी हुने बताए ।

अहिले वडानम्वर ४ र ५ मा सुरु भएपनि क्रमागत रुपमा अन्य वडामा पनि अनलाईन प्रणालीबाट घट्नादर्ता कार्य सुरु गरिने बताए । सो कार्यक्रममा नगरपालिकाका निमित्त प्रमुख प्रशासकीय अधिकृत खकेन्द्र बहादुर सोडारीको विशेष उपस्थिती रहेको थियो ।

अनलाईन दर्ता प्रमाणपत्र हस्तान्तरण कार्यक्रमका अध्यक्ष तथा वडानम्वर ५ का अध्यक्ष हरीप्रसाद ढुंगानाले आफुहरुले पहिले देखीनै चासो राखेको अनलाईन प्रणाली मार्फत घट्ना दर्ता कार्य सुरु भएपछि सेवा प्रवाह पारदशी र छिटो छरितो सेवा प्रवाह हुने विश्वास ब्याक्त गरे ।

अध्यक्ष ढुंगानाले यसअघिको जसरी घट्ना दर्ताका रेर्कडहरु नष्ट नहुने र खोजेको बेला भेटाउन सहज हुने उल्लेख गर्नुभयो । वडानम्वर ५ मा असोज १ देखी हालसम्म नेहा ढुंगाना, जोतीका ढुंगाना, बिक्रम बिक र गणेश भाट गरि ४ जनाको अनलाईन मार्फत जन्मदर्ता कार्य भईसकेको छ ।

हाललाई ईन्टरनेटको पहुँच पुगेका वडामा अनलाईन प्रणाली मार्फत ब्याक्तिगत घट्ना दर्ता कार्य गरिने र आगामि दिनमा अन्य वडामा पनि बिस्तार गरिने नगरपालिकाले जनाएको छ । औपचारीक कार्यक्रममा सूचना प्रविधि अधिकृत पौरख बोगटी, प्रशासन शाखा प्रमुख विष्णु जैशी, वडानम्वर ५ का सचिव हेमन्त साउद, सहायक लेखापाल लोकबहादुर चलाउने, राजश्व शाखा प्रमुख दिपक खड्का, वडानम्वर ६ का सचिव धिरेन्द्र भण्डारी, एम आई एस अपरेटर एकेन्द्र बोगटी, फिल्ड सहायक दिल बहादुर केसीको उपस्थिती रहेको थियो ।