अछाम– विनायक प्रहरीले बिना मास्क हिँडडुल गर्नेहरुलाई काब्राही गर्न छाडेको छ । जिल्लाको पञ्चदेवल विनायक नगरपालिकामा सुरक्षार्थ इलाका प्रहरी कार्यालय विनायकले बजारमा अनावश्यक हिँडडुल गर्ने, मास्क नलगाउने, सामाजिक तथा भौतिक दुरी कायम नगरि भिडभाड गर्ने मानिसहरुलाई प्रहरीले कार्वाही गर्न छाडेको हो ।

विश्वव्यापी माहामारीको रुपमा फैलिएको कोरोना भाइरस (कोभिड–१९) संक्रमण रोकथाम तथा नियन्त्रणका लागि गृह मन्त्रालयले हिँडडुल गर्दा मास्क अनिवार्य गरेको छ । यता विनायक प्रहरीले भने गृह मन्त्रालयलयको आदेशलाइनै अटेरी गरेको छ ।

केहि दिन अघि मात्रै करिब २ दिन जति मास्क नलगाई हिँडडुल गर्नेहरुबाट १ सय रुपयाँ जरिवाना असुली गरेको प्रहरी आजभोली विनायक बजारमा बेखबर जस्तै बनेको छ ।

सरकारले असार १ गतेदेखि लकडाउन खुकुलो गरेको थियो । त्यससँगै पछिल्लो समय भीडभाड बढ्नुका साथै स्वास्थ्य मापदण्ड उल्लंघन गर्ने क्रम बढेपछि गृह मन्त्रालयले जिल्ला प्रशासन र प्रहरीलाई परिपत्र गर्दै उल्लंघन गर्नेलाई कारवाही गर्न निर्देशन दिएको हो ।

यता इलाका प्रहरी कार्यालय विनायकका प्रहरी नायव निरिक्षक विर बहादुर भुलले भने भेटाए जति कार्वाही गरिरहेको दाबी गरेका छन । बिना मास्क हिँडडुल गर्नेहरुबाट के कती जरिवाना र हाल सम्म कति जनालाई कार्वाही गरियो भनेर बुझ्न खोज्दा जिल्ला प्रशासन बाट आएको एक ठेलीमा १० वटा बाँकी र अरु सबै सकिएको भन्दै इलाका प्रहरी इन्चार्ज भुलले शुदुर आजलाई हाँस्यास्पद अभिब्यक्ती दिएका छन ।