अछाम । युनाइटेड गु्रप धनगढीका अध्यक्ष मोहन खड्काले आफ्नो पहलमा अछाममा रहेका बाढी पीडितहरूका लागि खाद्यान्न सामाग्री वितरण गरिएको छ । बाढीपहिरो पिडित भएका जिल्लाको कमल बजार नगरपालिका वडा नम्बर ६ का १५ भन्दा बढी घरधुरीलाई ५५ हजार बराबरको खाद्यान्न वितरण गरिएको खड्काले बताए ।

नेपाल घर भई हाल विदेशमा बसोबास गर्दै आएका नेपाली मनहरूले बाढी पीडितहरूका लागि आर्थिक सहयोग गरेको र तेहि रकमबाट शनिबार पिडितलाई उनिहरुलाई प्रत्येक परिवारलाई एक कट्टा चामल, दाल, नुन, साबुन, तेल लगायतका सामाग्री हस्तान्तरण गरेको अध्यक्ष खड्काले बताए ।

जिल्लामा रहेका विपन्न परिवारका लागि केही सहज होस् भन्ने उद्देश्यले आफूहरूले सो कार्य गरेको उनको भनाई छ । यस्तै वडा नं. ६ मै रहेको एक विद्यालयलाई समेत स्वास्थ्य सामाग्री समेत प्रदान गरेको जनाएको छ । यो सहयोग अभियानमा बलबहादुर खड्काको समेत सहयोग रहेको उनले बताए ।

वडा नम्बर ६ का वडा अध्यक्ष राम बहादुर शाहिले विपतको समयमा गरेको यो कार्यप्रति धन्यावाद व्यक्त गर्दै आगामी दिनमा पनि युवाहरुले यस्तै सकरात्मक कार्य गर्न सुझाब दिएका छन ।
समस्यामा परेका नागरिकहरुलाई आफुहरुले आगामी दिनमा समेत सक्दो सहयोग गर्ने र अभियानलाई निरन्तरता दिने सहयोग अभियानका संयोजक तथा युनाइटेड गु्रप धनगढीका अध्यक्ष मोहन खड्काकाको भनाई छ ।