अछाम ।

नगरस्तरिय युवा संजाल साफेबगरले १८ महिने बालकको उपचारका लागि आर्थिक सहयोग गरेको छ । काठमाडौमा असथायी बसोबास गर्दै आउनु भएका एक मजदुर परिवारमा आर्थिक समस्याले झगडा हुदाँ बालक छोरालाई चोट लागेको थियो ।

लकडाउनले गर्दा मजदुरी गरी खाने दावा छिरी फुडोको परिवारमा आर्थिक समस्या भएको कुरा थाह पाएपछि नगरस्तरिय युवा संजाल साफेबगरले १० हजार आर्थिक सहयोग गरेको संजालका अध्यक्ष पुजा बुढाले बताईन ।

सोलुखुम्बु जिल्लामा घर भइ हाल अस्थायी रूपमा काठमाण्डौँमा बस्दै आएका उक्त परिवारको छोराको उपचारको सहयोगार्थ आर्थिक सहयोग गरिएको अध्यक्ष बुढाको भनाई छ ।

आपत्कालिन प्रतिक्रिया केन्द्र साँफेबगरको सहकार्य तथा साँफेबगर नगरपालिकाको आर्थिक सहयोगमा नगर युवा संजाले उक्त परिवारलाई सहयोग गरेको थियो ।

परिवारमा झगडा हुदाँ बुवाले आमा दावा छिरी फुडोलाई हानेको चोट १८ महिले छोराको टाउकोमा लागेपछि गम्भीर घाईते भएका बताईएको छ ।

बालकमा सेतो रगत नबने, टाउकोमा रगत बगिरहने र क्यान्सर हुने समस्या देखिएकाले छिटो शल्यक्रिया गर्न आवश्इक रहेको अस्पताल श्रोतले जनाएको छ । बालकलाई अहिले टिचिगं अस्पतालमा उपचारका लागि राखिएको छ ।