झापा– सीमा सुरक्षामा खटिएका नेपाली प्रहरीमाथि भारतीय समुहले आक्रमण गरेपछि सीमा क्षेत्रमा गोली चलेको छ ।
झापा जिल्लाको झापा गाउँपालिका वडा नम्वर ४ सँगै रहेको जंगे पिलर १३१ नम्वर क्षेत्रमा रहेको सुरक्षा प्रहरी पोस्टमा भारतीय समुहले आक्रमण गरेपछि हवाइ फायर गरिएको जिल्ला प्रहरी कार्यालय झापाका प्रमुख एसपी कृष्ण कोइरालाले जानकारी दिए ।
उनका अनुसार सोमबार दुई जना भारतीय नागरिक नेपाल प्रवेश गर्न खोजेपछि प्रहरीले रोकेको थियो ।
सीमामा आहोर दोहोर गर्न नदिएपछि ती फर्काइएका दुई ब्यक्तिले ४०/५० जनाको समुह बनाएर साँझ आक्रमणको प्रयास गरेका थिए । सीमामा खटिएका प्रहरीमाथि आक्रमणको प्रयास भएपछि हवाइ फायर गरिएको एपी कोइरालाले बताए ।
भारतीय युवाहरुले जवरवस्ति गर्न खोजेपछि प्रहरीले गोली चलाएको झापा गाउँपालिका– का स्थानीयले बताए । प्रहरीले हवाइ फायर गरेपछि युवाहरुको समुह तितरवितर भएको थियो ।
घटनापछि झापामा भारतसँग सिमा जोडिएका क्षेत्रमा बाक्लो संख्यामा जनपथ र सशस्त्र प्रहरी परिचालन गरिएको छ ।
सीमा सिल गरेपनि लुकिछिपी नेपाल भारत ओहोर दोहोर गर्नेहरुको संख्या बढेपछि अहिले प्रत्येक एक किलोमिटरमा अस्थायी सुरक्षा पोस्ट् राखेर निगरानी बढाइएको नेपाल समयमा खबर छ ।
प्रतिक्रिया